Gor Mahia yakinaga umukino wa kabiri nyuma yo gutsinda Young Africans ikinamo kapiteni w’Amavubi, Niyonzima Haruna ibitego 2-1 kuwa Gatandatu.

Kagere Meddie yatsindiye Gor Mahia igitego cya mbere ku munota wa kabiri ku mupira yaherejwe na Michael Olunga. Ni umukino wa 21 Gor Mahia iyoboye shampiyona ya Kenya yakinaga itaratsindwa.

KMKM yatwaye igikombe cya shampiyona ya Zanzibar yakoresheje imbaraga nyinshi ishaka kwishyura maze ku munota wa 12 Matteo Simon agombora igitego cya kabiri.

Ikipe ya Gor Mahia yabanje mu kibuga yarimo Kagere Meddie, Sibomana Abuba na

Matteo Simon yashoboraga no gutsinda icya kabiri ariko umunyezamu wa Gor Mahia, Boniface Oluoch amubera ibamba.

Kagere nawe yabonye amahirwe yo gutsinda igitego cya kabiri ku munota wa 50 ubwo yashakaga gusongamo umupira Michael Olunga yateye ahana ikosa ugarurwa n’umunyezamu wa KMKM.

Michael Olunga yatsindiye Gor Mahia igitego cya kabiri ku munota wa 69 ku mupira yaherejwe na Nizigiyimana Kharim “Mackenzi” wahoze akinira Rayon Sports. Ni igitego cya kabiri mu irushanwa nyuma y’icyo ku mukino wa Yanga.

Olunga yatsinze icya gatatu ku munota wa 78 ku mupira yaherejwe na Enock Agwanda arenguye.

Ni umukino wasifuwe n’Umunyarwanda Kagabo Issa naho Michael Olunga aba umukinnyi mwiza w’umukino.

Mackenzi, Abuba na Kagere mu myitozo ibanziriza umukino wa KMKM yo muri Zanzibar

Gor Mahia yatsinze KMKM ibitego 3-1 babona itike ya 1/4 cy'irangiza cya CECAFA Kagame cup

Abakinnyi babiri b’Amavubi bakinira Gor Mahia Kagere Meddie na Sibomana Abuba bakinnye iminota yose kimwe nk’Umurundi Nizigiyimana Kharim “Mackenzi”.

Undi mukino wo mu itsinda A wabaye, Al Khartoum yo muri Sudani ya Kwesi Appiah watoje Ghana mu gikombe cy’Isi yanyagiye Telekom Djibouti ibitego 5-0.

APR FC ihagarariye u Rwanda yatsinze umukino ubanza wa Al Ahly Shendi igitego 1-0 cya Bizimana Djihad irakina na Heegan yo muri Somalia kuri uyu wa Kabiri.

Imikino iteganyijwe kuri uyu wa Kabiri

Saa saba: AlShandy (Sudani) vs LLB AFC (Burundi)

Saa cyenda: Heegan (Somalia) vs APR FC (Rwanda)

Saa cyenda: Malakia (Sudan y’Epfo) vs Azam FC (Tanzania)