CAF yatangaje igihe CAN ya 2023 izabera

Yanditswe na Kabera Haruna
Kuya 16 Nyakanga 2020 saa 07:17
Yasuwe :
0 0

Impuzamashyirahamwe y’Umupira w’Amaguru muri Afurika (CAF) yatangaje ko Igikombe cya Afurika (CAN) cyo mu 2023 kizaba mu mezi ya Kamena na Nyakanga aho kuba muri Mutarama 2022 nk’uko byari biteganyijwe.

Ibihe by’aya marushanwa byakunze kutavugwaho rumwe nyuma y’uko Perezida wa CAF, Ahmad Ahmad, muri Kamena yatangaje ko CAN izaba mu 2023 ariko ntiyemeze ukwezi.

Umunyamabanga Mukuru wa CAF, Abdel Bah, yabwiye BBC ko CAN 2023 biteganyijwe ko izaba muri Kamena na Nyakanga.

Yakomeje agira ati “Kugira ngo bisobanuke neza mu mategeko twanzuye ko CAN izajya ikinwa muri Kamena na Nyakanga.”

Mu 2017, CAF yanzuye gushyira CAN mu mezi y’impeshyi nk’ impinduka mu mabwiriza agenga amarushanwa yayo.

Bah yibukije ko CAN ya 2021 yashyizwe hagati ya Mutarama-Gashyantare 2022 byemejwe n’abayobozi muri Cameroun bagaragaje ko muri icyo gihe bitari gukunda kwakira irushanwa mu mpeshyi nkuko byari biteganyijwe.

Igikombe cy’ibihugu bya Afurika giheruka cyabaye mu 2019 gitwarwa na Algeria itsinze Sénégal igitego 1-0 ku mukino wa nyuma.

Impuzamashyirahamwe y’Umupira w’Amaguru muri Afurika (CAF) ryatangaje ko CAN ya 2023 izaba mu mpeshyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .