Tombola ya CAF Champions League yabereye ku cyicaro gikuru cy’Impuzamashyirahamwe y’Umupira w’Amaguru muri Afurika (CAF) i Cairo mu Misiri, kuri uyu wa Kane tariki ya 6 Kanama 2026.

Ni tombola yayobowe n’uwahoze ari Kapiteni w’Ikipe y’Igihugu ‘Amavubi’ na APR FC, Karekezi Olivier.

APR FC yatomboye kuzahura na Les Aigles du Congo yabaye iya kabiri muri Shampiyona ya RDC.

Umukino ubanza uzabera muri RDC tariki 4-6 Nzeri, mu gihe uwo kwishyura uzabera i Kigali tariki 11-13 Nzeri 2026.

Ikipe izakomeza hagati ya APR FC na Les Aigles du Congo izahura n’izakomeza hagati ya Zamalek SC yo mu Misiri na AS Port yo muri Djibouti, mu ijonjora rya kabiri rizakinwa mu Ukwakira 2026.

APR FC izatangirira urugendo rwayo rwa CAF Champions League muri RDC

Zamalek SC iri mu nzira ya APR FC mu gihe yagera mu ijonjora rya kabiri

Les Aigles du Congo yabaye iya kabiri muri Shampiyona ya RDC