Abahanzi bazaririmba muri ibi bitaramo ni Bushali, Bwiza, Kenny Sol, Kivumbi King, Dj Marnaud, Symphony Band na Ruti Joel uzaba ubigaragayemo ku nshuro ya mbere.

Ibi bitaramo bizabera mu mujyi wa Huye, Rubavu, Musanze n’i Kigali ku munsi wa nyuma w’isiganwa.

Ibi bitaramo bihuza amagare n’umuziki kuko abakunzi bayo iyo bamaze kuruhuka mu gihe cya nimugoroba baba bifuza ahantu bahurira bagasabana, bikaba andi mahirwe ku bafatanyabikorwa ba Tour du Rwanda kuko babasha kubona aho bongera gutangira ubutumwa bw’ibikorwa byabo.

Iri rushanwa rizenguruka u Rwanda ku magare rigiye kuba ku nshuro ya 18 kuva ribaye mpuzamahanga rizatangira ku wa 22 Gashyantare kugeza ku wa 1 Werurwe 2026.

Ibitaramo bya Tour du Rwanda Festival igiye kuba ku nshuro ya kane

Kivumbi King ni umwe mu bahanzi bazaririmba muri Tour du Rwanda Festival

Bwiza ni umwe mu bahanzi bategerejwe muri ibi bitaramo

Kenny Sol yatangaje ko ahishiye byinshi abakunzi be bo mu bice bitandukanye by'igihugu

Ikiganiro n'itangazamakuru cyabereye kuri Zaria Court

Perezida wa FERWACY, Ndayishimiye Samson yagaragaje ko ibi btaramo byongera uburyohe bwa Tour du Rwanda