Ku mugoroba wo ku Cyumweru, tariki ya 14 Mata 2024, ni bwo mu bitabo bya Bayer Leverkusen handitswe amateka yo gutwara Igikombe cya Shampiyona habura imikino itanu.

Ikipe y’Umutoza Xabi Alonso yatangiye ibyishimo byayo hakiri kare, ku munota wa 25 ubwo Victor Boniface yafunguraga amazamu ya Werder Bremen kuri penaliti.

Iki gitego cya Boniface cyahise kimwibutsa igisa n’ubuhanuzi yakorewe na mugenzi we Victor Osimhen wegukanye Igikombe cya Shampiyona yo mu Butaliyani ariko amubwira ko yizeye neza ko uwa 2023-24 nawe azagitwara.

Ibindi bitego byatsinzwe na Granit Xhaka ndetse na Florian Richard Wirtz ukina hagati asatira ashyiramo ibindi bitatu bengukana Igikombe nyuma yo kunyagira iyo kipe ibitego 5-0.

Bayer 04 Leverkusen yahise iba ikipe ya mbere imaze imikino 29 idatsindwa mu mwaka w’imikino kuko yatsinze 25, ikananganya ine gusa, igahita ikuraho akari gafitwe na mukeba wayo Bayern Munich yakoze yamaze 28 mu mwaka wa 2013-14 itozwa na Pep Guardiola.

Iyi kipe kandi yo mu mujyi wa Leverkusen kandi yari imaze umukino wa 43 mu marushanwa yose iri gukina itaratsindwa ikaba iya kabiri ibikoze muri shampiyona zikomeye i Burayi, nyuma ya Juventus yo mu Butaliyani yabikoze.

Josip Stanišić yishimye bidasanzwe cyane ko nyuma yo kwegukana iki gikombe yahise aba umukinnyi wa kabiri ubikoze, akagitwara mu makipe abiri atandukanye nyuma yo kucyegukana umwaka ushize muri Bayern Munich. Undi wabikoze ni August Starek mu 1968 ari muri FC Nürnberg no mu 1969 ari muri FC Bayern Munich.

Igikombe Bayer Leverkusen yegukanye cyashyize iherezo ku bwami bwa Bayern Munich yegukanye ibikombe 11 biheruka.

Iyi kipe itaratsindwa muri uyu mwaka w’imikino iracyahataniye ibikombe byose yitabiriye kuko ikiri muri Europa League ndetse no mu Gikombe cy’u Budage.

Ubwo Xabi Alonso yatangiraga gutoza Leverkusen mu Ukwakira 2022, yari mu munsi y’umurongo utukura, none nyuma y’amezi 18 yayihesheje Bundesliga.

View this post on Instagram

A post shared by Bayer 04 Leverkusen (@bayer04fussball)

View this post on Instagram

A post shared by Bayer 04 Leverkusen (@bayer04fussball)

View this post on Instagram

A post shared by Bayer 04 Leverkusen (@bayer04fussball)

View this post on Instagram

A post shared by Bayer 04 Leverkusen (@bayer04fussball)

Incredible scenes as Bayern Leverkusen win the German League for the first time ever in their 120-year history.

They also ended Bayern Munich's run of 11 consecutive league titles.pic.twitter.com/dsuUWm4NsI

— Tanay Jaipuria (@tanayj) April 15, 2024

QUÉ LOCURA, EL BAYERN LEVERKUSEN CAMPEÓN DE LA BUNDESLIGA 119 AÑOS DESPUÉS 👏🏻 pic.twitter.com/5aScd87dCO

— REAL MADRID FANS 🤍 (@AdriRM33) April 14, 2024

Victor Osimhen predicted Bayern Leverkusen’s title win - Victor Boniface pic.twitter.com/A4fwXIts11

— YabaLeftOnline (@yabaleftonline) April 14, 2024

Bayer Leverkusen yatsinze Werder Bremen ibitego 5-0

Imodoka itwara abakinnyi ba Bayer Leverkusen yatambagiye umujyi wa Leverkusen ishagawe n'abafana

Xabi Alonso ni we mutoza utaratsindwa na rimwe muri uyu mwaka w'imikino mu Budage

Victor Boniface yahishuye ko Victor Osimhen yari yaramubwiye ko azegukana Igikombe cya Shampiyona y'u Budage

Amabendera y'umutuku, umukara n'umweru ya Bayer Leverkusen yari menshi ku kibuga

Umukino ukirangira abafana bahise biroha mu kibuga

Bayer Leverkusen ifite gahunda yo gutwara ibindi bikombe ihatanira

Abafana bifatanyije n'ikipe kwishimira gutwara Shampiyona y'u Budage bari benshi

Buri mukinnyi wa Bayer Leverkusen yari afite icupa ry'inzoga

Akanyamuneza kari kose ku bakinnyi ba Bayer Leverkusen

Bayer Leverkusen yahigitse Bayern Munich yari imaze imyaka 11 yiharira Igikombe cya Shampiyona y'u Budage

Abakinnyi batangiye kuyoboka manyinya bakimara kwegukana Igikombe

Umunya-Argentine Exequiel Palacios yishimira gutwarana na Bayer Leverkusen Igikombe cya mbere mu myaka 120

Xabi Alonso yakuye Bayer Leverkusen mu murongo utukura ayigeza ku Gikombe cya Bundesliga

Florian Wirtz winjije ibitego bitatu wenyine ashagawe n'abafana

Byari ibicika mu rwambariro rwa Bayer Leverkusen nyuma yo kwegukana Igikombe cya Shampiyona

Abafana bari benshi cyane kuri Stade ya BayArena iberaho imikino ya Bayer Leverkusen

Abakinnyi ba Bayer Leverkusen bahawe igikombe nyuma yo gutsinda umukino wa 29 wa Shampiyona ya Bundesliga

Abafana ba Bayer Leverkusen bishimiye igikombe cya mbere begukanye mu mateka

Umunya-Nigeria Victor Okoh Boniface ni umwe mu bakinnyi bafashije bikomeye Bayer Leverkusen

Abafana nabo bahawe umwanya wo kwisengerera

Xabi Alonso yatangiye kunywa akiri mu kiganiro n'itangazamakuru

Abafana ba Bayer Leverkusen bishimye bikomeye

Umutoza wa Bayer Leverkusen yasutsweho inzoga mu kwishimira Igikombe cya Shampiyona