Ni umukino wateye benshi guhangayikishwa no kubona igitego kuko byari gufasha Ikipe y’Umujyi wa Kigali kuzajyana impamba mu mukino wo kwishyura udakunze guhira amakipe yo mu Rwanda mu mikino mpuzamahanga cyane cyane iyo ahura n’ayo mu Barabu.

Abafana b’amakipe atandukanye yo mu cyiciro cya mbere bahuriye hamwe ngo bashyigikire AS Kigali yahataniraga ishema ry’igihugu ariko biranga biba iby’ubusa igitego kirabura.

Abayobozi mu myanya y’icyubahiro na bo bari bahagaritse umutima mu minota 90 y’umukino. AS Kigali yakomeje kurema uburyo bwinshi bwo gushaka ibitego ariko ntibwigeze bubyara umusaruro kugeza umukino urangiye amakipe yombi aguye miswi.

AS Kigali irasabwa kunganya yinjije igitego cyangwa gutsinda umukino wo kwishyura kugira ngo ikomeze mu ijonjora rya gatatu. Biteganyijwe ko umukino wo kwishyura uzabera muri Libya ku wa 16 Ukwakira 2022.

Muri uyu nkuru tugiye kugaruka kuri amwe mu mafoto yaranze umukino wa AS Kigali na Al Nasr warangiye nta kipe inyeganyeje inshundura ry’indi.

Team Manager wa AS Kigali Innocent Bayingana areba uko abafana binjira mbere y'uko umukino utangira

Mama Mukura mu mupira n'inkoni by'ikipe yihebeye yanaserukanye n'amabendera abiri ya AS Kigali mu ntoki

Mama Mukura akinjira muri Stade yasabwe n'ibyishimo abonye abafana b'amakipe atandukanye bari inyuma ya AS Kigali

Umwe mu bashinzwe umutekano ku kibuga afasha Madeleine Mukanemeye uzwi ku izina rya Mama Mukura mu gihe yarebaga mu gice cyari cyicayemo abafana ba Mukura Victory Sports baje gushyigikira AS Kigali kuri uyu mukino ngo ahitemo intebe ari bwicaremo

Icyapa cy'itsinda ry'abafana b'abamotari kuri uyu mukino ntibigeze bitabira ku bwinshi. Inyuma yacyo hari abantu mbarwa

Icyizere cyari cyose ku bafana umukino ugitangira ubwo AS Kigali yasatiraga cyane

Ubururu n'umweru ku kuboko mu mwenda w'Amavubi yaje gushyigikira Abanyamujyi b'i Kigali

Aziz ufana Kiyovu Sports ari mu bafana bari i Huye biteguye gushyigikira AS Kigali

Umwe mu bafana ba Al Nasr yari afite icyizere umukino ugitangira ko ikipe ye iri bwitware neza

Abafana bakoze akazi kabo ariko inshundura zihisha Abanyamujyi

Abafana ba Rayon Sportts bari bahabaye ku bwinshi ndetse bagerageje gutiza AS Kigali umurindi

Madeleine Mukanemeye "Mama Mukura'' mu byishimo hamwe n'abafana ba Rayon Sports barimo Feza na Nkundamatch. Akanyamuneza hano kari hose, ubukeba buke bwa Mukura VS na Rayon Sports baburambitse hasi

Akaradio nako telefoni yari ku gutwi. Ashobora kuba yumvaga uko abanyamakuru bogeza umukino basomaga amazina y'Abarabu

Umutoza wa gatatu wungirije wa AS Kigali, Umwungeri Patrick aganira n'umutoza w'abanyezamu ba Al Nasr utari wemerewe gutoza kuri uyu mukino kuko atatanzwe ku rutonde rw'ikipe ye muri CAF

Abakinnyi ba Al Nasr batitabajwe muri 18 babanza ku ntebe bari bicaye mu myanya y'icyubahiro baganira n'abafana babo

Umunyamategeko wa FERWAFA, Karangwa Jules, mu ntangiriro z'umukino yari afite icyizere ko AS Kigali iri bubone impamba izaserukana muri Libya

Umunyana Seraphine (iburyo) umwe mu batoza b'Ishuri ry'Umupira w'Amaguru rya Paris Saint Germain yandikaga ibyo ari kureba mu mukino

Umunyamabanga Nshingwabikorwa w'Intara y'Amajyepfo, Busabizwa Parfait, ntiyanyuzwe n'uko AS Kigali yahushaga ibitego imbere y'izamu

Umuyobozi ushinzwe Itangazamakuru n'Itumanaho muri AS Kigali, Kankindi Anne-Lise, yakurikiye uko ikipe ye iri kwitwara. Ku maso ntiyari aryohewe n'ibyo yabonaga mu kibuga

Abayobozi ba Al Nasr bakomeje kuganira ngo barebere hamwe aho biri gupfira kuko ikipe yabo yarushwaga cyane

Perezida wa AS Kigali, Shema Fabrice, yakurikiye umukino ikipe ye yakiniye i Huye

Perezida wa FERWAFA, Olivier Nizeyimana, mu mwenda wa AS Kigali ategereje ko igitego cyaboneka

Perezida wa Gasogi United, Kakooza Nkuriza Charles (KNC) na we nta byishimo byari ku maso ye ubwo yarebaga uburyo Abanyamujyi bakomeje kwitwara

Nshimiye Joseph, umufana ukomeye wa AS Kigali umutima wari uhagaze ategereje ko ikipe ye ireba mu rushundura ndetse byakomeje kugorana

Ku mpande zombi bari bahagaritse umutima. N'aba Al Nasr na bo bari bafite ubwoba

Perezida w'Ishyirahamwe ry'Umupira w'Amaguru mu Rwanda, Olivier Nizeyimana aganira n'Umunyamabanga wa Ferwafa, Muhire Henry uko umukino ukomeje kugenda. Hagati yabo hari hicaye Meya w'Akarere ka Huye, Sebutege Ange

Abo mu nzego z'umutekano barimo abapolisi baserutse mu bagiye gushyigikira AS Kigali ku bwinshi

Abafana bamwe bumvaga umupira kuri radio bakanawureba mu kibuga

Nyuma y'uko b ategereje igitego bagaheba bamwe mu bafana batangiye gusinzira

Bari bifashe mapfubyi mu mpera z'umukino ubwo icyizere cyo kubona igitego cyari gitangiye kuyoyoka

Abafana bari baje ku bwinshi n'ubwo ibyishimo byakomeje kuba iyanga

AS Kigali yagerageje gutegura neza imyinjirize kuri uyu mukino. Abakobwa b'uburanga bakiranaga ubwuzu ababagana

Perezida w'Ishyirahamwe ry'Umupira w'Amaguru mu Rwanda, Olivier Nizeyimana aganira n'Umunyamabanga wa Ferwafa, Muhire Henry uko umukino ukomeje kugenda. Hagati yabo hari hicaye Meya w'Akarere ka Huye, Sebutege Ange

Abashinzwe umutekano bari maso. Ku murimo nta guhumbya

Umusifuzi amaze kurangiza igice cya mbere Umunya-Serbia Zoran Milinkovic utoza Al Nasr yikuye ikoti nyuma yo kubona ko umukino utari bumworohere

Umunyamabanga Nshingwabikorwa w'Intara y'Amajyepfo, Busabizwa Parfait (ibumoso) aganira na Perezida wa AS Kigali, Shema Fabrice ubwo igice cya mbere cy'umukino cyari kirangiye

AS Kigali ifanwa n'ab'ingeri zose

Mu minota ya nyuma y'umukino icyizere ku bafana cyatangiye kuyoyoka

Umutoza Mukuru wa AS Kigali, Casa Mbungo André, aha yahamagaraga Kapiteni we Haruna Niyonzima ngo amuhe amabwiriza y'uburyo ari buhindure umukino

Mu minota y'inyongera, Umutoza wa Al Nasr, Zoran Milinkovic, yakomeje kwinubira kuba umusifuzi atarangiza umukino. Aha yarebaga ku isaha y'umwungiriza we wa kabiri, Salem Othman Mohamed Eljelali

Yahise amubwira ko bategereza iminota 90 y'umukino ukarangira

Abakinnyi ba Al Nasr biruhukije nyuma y'umukino barushijwemo na AS Kigali ariko ikababuramo igitego

Umutoza Casa Mbungo yashimiye Imana yafashije ikipe ye kunganya na Al Nasr

Kankindi Anne-Lise ashimira umutoza Casa Mbungo nyuma yo kunganya na Al Nasr ubusa ku busa

Kankindi Anne-Lise ashimira myugariro Bishira Latif nyuma y'umukino

Umutoza ndetse n'umwe mu bayobozi ba Al Nasr bahoberanye bishimiye kunganya 0-0 na AS Kigali mu mukino ubanza

Ibyishimo byari byose muri Al Nasr nyuma yo kunganya na AS Kigali

Mu gihe Al Nasr bishimiraga ibivuye mu mukino, Umutoza wungirije wa AS Kigali Mbarushimana Shaban, we yari mu gahinda

Amafoto: Ntare Julius