00:00:00 IGIHE NETWORK KN KINYARWANDA EN ENGLISH FR FRANCAIS

Bakame yasinye amezi atandatu muri Bugesera FC

Yanditswe na Ntare Julius
Kuya 10 Mutarama 2023 saa 08:28
Yasuwe :

Ku mugoroba wo kuwa kabiri tariki 8 Mutarama 2023, Umunyezamu Ndayishimiye Eric ‘Bakame’ yerekanywe nk’umukinnyi mushya wa Bugesera FC aho yasinye amasezerano y’amezi atandatu nyuma y’igihe akora imyitozo muri iyi ikipe kuko nta kipe yari afite.

Bakame yasinyiye Bugesera FC nyuma y’igihe gito atandukanye na Police FC ku mpera za shampiyona ishize.

Uyu munyezamu yakiniye amakipe atandukanye nka ATRACO FC, APR FC, Rayon Sports, AFC Leopards, AS Kigali, Police FC ndetse n’ikipe y’igihugu Amavubi.

Bakame ufite ubunararibonye mu kurinda izamu, yitezweho gufasha Bugesera FC iri ku mwanya wa 12 n’amanota 18.

Yakinnye imikino 15 mu gice kibanza cya shampiyona, itsinda itanu, inganya itatu itsindwa irindwi. Yatsinze ibitego 14 yinjizwa 16 ifite umwenda w’ibitego bibiri.

Ndayishimiye Eric 'Bakame' yabonye ikipe nshya nyuma yo kumara igice kibanza nta kipe afite
Bakame ufite ubunararibonye mu izamu yitezweho gucungura Bugesera FC yatsinzwe ibitego 16 mu mikino 15 y'igice kibanza cya shampiyona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .