AS Kigali yumvikanye na Biramahire Abeddy

Yanditswe na Eric Tony Ukurikiyimfura
Kuya 21 Ukwakira 2020 saa 01:36
Yasuwe :
0 0

AS Kigali yamaze kumvikana na rutahizamu w’Umunyarwanda Biramahire Abeddy wakiniraga FC Buildcon yo muri Zambia.

Biramahire Abeddy yari amaze iminsi mu biganiro na Rayon Sports.

Umunyamabanga Mukuru wa Kigali, Gasana Francis, yemereye IGIHE ko bamaze kumvikana na Biramahire.

Amakuru IGIHE yamenye ni uko uyu mukinnyi w’imyaka 22 wakinaga muri Zambia, azasinya imyaka ibiri muri AS Kigali.

Biramahire yagiye muri FC Buildcon muri Nyakanga 2019, aho yageze nyuma yo gukina amezi atandatu muri Mukura Victory Sports.

Uyu mukinnyi wamenyekanye cyane akinira Police FC, yageze muri Mukura Victory Sports avuye muri Club Sfaxien yo muri Tunisie, yari yagezemo muri Nzeri 2018.

Birahamire watangiye guhamagarwa mu Amavubi mu 2017, ni umwe mu bakinnyi bari bato mu ikipe y’Igihugu yakinnye CHAN 2018 muri Maroc.

Nasinyira AS Kigali, azaba abaye umukinnyi wa gatanu mushya iguze mbere y’uko umwaka w’imikino wa 2020/21 utangira. Abandi baguzwe n’iyi kipe ni Hakizimana Muhadjiri, Rugirayabo Hassan, Emery Bayisenge na Shabani Hussein ‘Tchabalala’.

AS Kigali ikomeje umwiherero, aho iri kwitegura imikino Nyafurika ya CAF Confederation Cup izatangira gukina mu mpera za Ugushyingo.

AS Kigali yamaze kumvikana na rutahizamu Biramahire Abeddy
Biramahire Abeddy yari amaze umwaka umwe akina muri FC Buildcon yo mu Cyiciro cya Mbere muri Zambia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .