00:00:00 IGIHE NETWORK KN KINYARWANDA EN ENGLISH FR FRANCAIS

Amavubi yerekeje muri Afurika y’Epfo

Yanditswe na Mihigo Saddam
Kuya 29 May 2022 saa 10:31
Yasuwe :

Ikipe y’igihugu y’u Rwanda mu mupira w’amaguru (Amavubi) yafashe urugendo igana muri Afurika y’Epfo ahazabera umukino w’umunsi wa mbere w’amatsinda yo gushaka itike ya CAN ya 2023 izabera muri Côte d’Ivoire.

Abakinnyi 23 baherekejwe n’abatoza babo ndetse n’abandi bari muri uru rugendo, bagannye muri Afurika y’Epfo ahazabera umukino uzahuza u Rwanda na Mozambique.

U Rwanda na Mozambique ni ibihugu biri mu itsinda rya 12 ryo gushaka itike ya CAN ya 2023 kumwe na Bénin kimwe na Sénégal.

Umukino nyirizina uzakinwa tariki ya 2 Kamena 2022 ku kibuga cya First National Bank Stadium, sitade yakira abantu 94,736.

Igihugu cya Mozambique kizakirira uyu mukino muri Afurika y’Epfo kuko kiri mu bihugu bidafite stade zemewe na CAF kuba zakwakira amarushanwa.

Abakinnyi 23 umutoza Carlos yahamagaye:

Abanyezamu: Kwizera Olivier (Rayon Sports), Ntwari Fiacre ( AS Kigali, Rwanda) na Kimenyi Yves (Kiyovu Sports, Rwanda)

Ba Myugariro: Imanishimwe Emmanuel (FAR Rabat), Nirisarike Salomon (Urartu FC, Armenia), Niyomugabo Claude (APR FC, Rwanda), Mutsinzi Ange Jimmy (CD Trofense, Portugal), Rwanda), Omborenga Fitina (APR FC, Rwanda), Manzi Thierry (FC Dila Gori, Georgia), Nsabimana Aimable (APR FC), Niyigena Clement (Rayon Sports)na Serumogo Ali (SC Kiyovu)

Abakina Hagati: Manishimwe Djabel (APR FC), Nishimwe Blaise (Rayon Sports), Bohneur Mugisha (APR FC), Bizimana Djihad (KMSK Deinze), Muhire Kevin (Rayon Sports), Rafael York (AFC Eskilstuna, Sweden) na Ruboneka Jean Bosco (APR FC)

Ba Rutahizamu: Meddie Kagere (Simba SC), Hakizimana Muhadjiri (Police FC), Ndayishimiye Antoine Dominique (Police FC), Mugunga Yves (APR FC)

Nishimwe Blaise na Kwizera Olivier ni abakinnyi ba Rayon Sports bari muri 23 bahamagawe
Bizimana Djihad ukinira ikipe ya K.M.S.K. Deinze mu Bubiligi ni umwe mu bazifashishwa hagati mu kibuga
Umutoza w'Amavubi , Carlos Ferrer afite umukoro wo gufasha u Rwanda gusubira muri CAN ruherukamo mu 2004

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .