00:00:00 IGIHE NETWORK KN KINYARWANDA EN ENGLISH FR FRANCAIS

Académie ya PSG n’iya Bayern Munich zizaganura Stade Amahoro

Yanditswe na Iradukunda Olivier
Kuya 14 June 2024 saa 05:49
Yasuwe :

Amarerero y’amakipe akomeye i Burayi akorera mu Rwanda ariyo PSG Academy Rwanda ndetse na Bayern Munich Academy Rwanda, agiye guhirira mu mukino uzabera kuri Amahoro Stadium.

Ni umukino wateguwe muri gahunda yiswe ‘Umuhuro mu Amahoro’ mu rwego rwo gufasha abakunzi b’umupira w’amaguru kwishimira iki gikorwaremezo cyabahariwe.

Uyu mukino uteganyijwe ku wa Gatandatu, tariki ya 15 Kamena 2024, mbere y’uko APR FC ndetse na Rayon Sports zikiranura mu mukino wa mbere ukomeye kuva iyi stade yavugururwa.

Umukino w’abana uzatangira gukinwa saa Munani z’amanywa mbere y’uzahuza amakipe y’ibigugu mu Rwanda uzakinwa saa Kumi n’imwe.

Ab’inkwakuzi bamaze kugura amatike yo kureba uburyohe bw’imikino na stade nshya ifite ubushobozi bwo kwakira abantu bicaye ibihumbi 45.

Kugeza ubu Académie ya PSG yashinzwe mu 2021 ifite abana barimo ab’imyaka 6&7, 8&9, 10&11, 12&13, 14&15 na 16&17, mu gihe iya Bayern Munich yatangijwe mu mwaka ushize irimo abo munsi ya 13.

Aya makipe yombi ahuriye ku kuba yamamaza ubukerarugendo bw’u Rwanda binyuze mu masezerano yasinyanye n’Urwego rw’Igihugu rushinzwe Iterambere (RDB) muri gahunda ya ‘Visit Rwanda’.

Académie ya Bayern Munich izahura n'iya PSG mu mukino w'Umuhuro mu Mahoro
Académie ya PSG izahura n'iya Bayern Munich

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .