Kuva u Rwanda rwatangira kugirana imikoranire na Atlético de Madrid, abakinnyi bayo barimo abo mu ikipe y’abagabo, iy’abagore, abakanyujijeho n’abatoza basura u Rwand ku mpamvu z’akazi no kwirebera ibyiza nyaburanga birutatse.

Ni muri urwo rwego aba bakinnyi bageze mu Rwanda kugira ngo basure ibice bitandukanye, aho ku munsi wa mbere w’urugendo rwabo basuye Urwibutso rwa Jenoside rwa Kigali, bunamira abarushyinguwemo bishwe muri Jenoside yakorewe Abatutsi mu 1994.

Nk’uko bigaragara ku mbuga za Atlético de Madrid, aba bakinnyi bakomereje mu Karere ka Nyanza, ahazwi nko mu Rukali, basobanurirwa amateka y’u Rwanda rwo hambere n’uko Abami barwo babagaho, banerekwa inka z’Inyambo zifite umwihariko mu mateka y’u Rwanda.

Urugendo rwabo rwakomereje ku Kiyaga cya Kivu, aho bagiye mu bwato bumva umuyaga mwiza wo muri iki kiyaga gikunze gukurura ba murerugendo bagana u Rwanda.

Aba bakinnyi babiri kandi basuye Pariki y’Ibirunga iri mu Karere ka Musanze kugira ngo birebere imbonankubone ingagi ziboneka hake ku Isi.

María Dolores w’imyaka 32 ukina mu izamu rya Atlético de Madrid, ni umwe mu banyabigwi b’iyi kipe kuko yayigezemo mu 2012, ayimaramo imyaka umunani mbere y’uko ajya muri Lyon yo mu Bufaransa yamazemo umwaka umwe, mbere yo gusubira muri Atlético de Madrid mu 2021 kugeza uyu munsi.

Hagati ya 2013 na 2022, yahamagawe inshuro 38 mu Ikipe y’Igihugu y’Abagore ya Espagne.

Carmen Menayo Montero w’imyaka 27 we akina mu bwugarizi. Yakiniye amakipe abiri gusa ari yo Santa Teresa yahereyemo, ayikinira imyaka ibiri, kuva ubwo mu 2016 kugeza ubu, akaba ari myugariro wa Atlético de Madrid abereye kapiteni, amaze gukinira imikino irenga 200.

View this post on Instagram

A post shared by Atlético de Madrid Femenino (@atletifemenino)

View this post on Instagram

A post shared by Atlético de Madrid Femenino (@atletifemenino)

Ubwo María Dolores yari ageze i Nyanza

Carmen Menayo na María Dolores basobanuriwe uko Abami b'u Rwanda babagaho

Carmen Menayo na María Dolores bari gusobanurirwa amateka y'u Rwanda mu gihe cyo hambere

Carmen Menayo ari gukina n'inyambo

Carmen Menayo na María Dolores bafashe ifoto bari mu Rukali i Nyanza

Carmen Menayo na María Dolores bishimiye kugera mu Rwanda

Carmen Menayo na María Dolores bari mu biruhuko mu Rwanda

Carmen Menayo na María Dolores bari gufotora ingagi

Carmen Menayo na María Dolores bari gusobanurirwa imibereho y'ingagi

Carmen Menayo na María Dolores bafatana ifoto y'urwibutso nk'igihamya cy'uko bigereye mu birunga

María Dolores afata ifoto y'urwibutso

Carmen Menayo na María Dolores bitegereza ingagi uko ibayeho

Carmen Menayo na María Dolores basanze ingagi aho ziba mu birunga

Abasura u Rwanda bose baba bafitiye amatsiko Pariki y'Ibirunga

Inkoni Carmen Menayo na María Dolores bakoresheje bazamuka mu birunga

Carmen Menayo na María Dolores bari kuzamuka muri Pariki y'Ibirunga