Imikino ya nyuma mu mupira w’amaguru yakiniwe kuri Kigali Pelé Stadium, kuri
uyu wa Gatandatu, tariki ya 4 Nyakanga 2026, yabimburiwe n’uw’abagore, aho Urwego rwa Gisirikare rushinzwe Serivisi z’Ubuzima (MHS), rwegukanye igikombe rutsinze Military Police ibitego 2-1.

Imikino ya nyuma yasojwe n’uw’umupira w’amaguru, uhuza Ikipe y’Ikigo cy’Imyitozo ya Gisirikare cya Nasho (BMTC Nasho) n’Ikipe y’Abasirikare barinda abayobozi bakuru b’igihugu (Republican Guard- RG).

Umuyobozi ushinzwe guhuza ibikorwa by’Ingabo n’Abaturage mu Ngabo z’u Rwanda, Col Désiré Migambi,Désiré Migambi Mungamba, watanze ijambo ry’ikaze, yavuze ko iri rushanwa ryatangiye rigamije kubungabunga ubuzima bwiza bw’ingabo, ndetse ari umurage w’urugamba rwo kubohora igihugu.

Umunyamabanga wa Leta muri Minisiteri ya Siporo, Rwego Ngarambe na Minisitiri w’Ingabo z’u Rwanda, Juvenal Marizamunda ni bo batangije umukino, mu gikorwa cyitabiriwe n’abarimo Umugaba Mukuru w’Ingabo z’u Rwanda, Gen Mubarak Muganga.

Ku munota wa gatandatu w’umukino, rutahizamu wa RG, Shema Mike yatsinze igitego cya mbere muri uyu mukino nyuma y’amakosa akomeye yakozwe n’umunyezamu wa BMTC Nasho wafashe umupira ntawukomeze.

RG yabonye penaliti ku munota wa 13, iturutse ku ikosa ryakorewe Ishimwe Claude mu rubuga rw’amahina, ihabwa Shema Mike ayitera neza ayishyira mu izamu.

Igice cya mbere cyarangiye BMTC Nasho itozwa na Tugirimana Gilbert iri gukina neza nta gitego, mu gihe RG itozwa na Hitimana Thierry yakiniraga inyuma iri kurinda ibitego byayo.

BMTC Nasho yazamutse yose ijya gushaka uko yishyura, RG iyiba umugono izamukana umupira, Ishimwe Claude arawufata awuhindura mu rubuga rw’amahina usanga Shema ahagaze neza, ashyiramo igitego cya gatatu.

Nta kindi gitego cyongeye kuboneka muri uyu mukino, RG yegukana Igikombe cyo kwibohora mu marushanwa ahuza imitwe y’ingabo z’u Rwanda, BMTC Nasho iba iya kabiri, naho Task Force Division iba iya gatatu.

Ni inshuro ya kane yikurikiranya RG yegukanye iri rushanwa, nyuma yo kuritwara mu 2023 yatsinze Task Force Division, mu 2024 yatsinze Ishuri Rikuru rya Gisirikare i Gako (RMA Gako), no mu 2025 ubwo yatsindaga Division 3.

Andi makipe yitwaye neza harimo aya Volleyall, aho Ikipe y’Umutwe w’Ingabo Zidasanzwe (Special Operations Force) ari yo yegukanye igikombe, ikurikirwa n’Ikipe y’Urwego rushinzwe Ibikorwaremezo mu Ngabo z’u Rwanda (Engineering Command), iya gatatu iba Republican Guard.

Muri Basketball hitwaye neza BMTC Nasho ya mbere, 6 Air Group yo mu ishami ry’Igisirikare cy’u Rwanda kirwanira mu Kirere (Rwanda Air Force- RAF) iba iya kabiri, naho RMA Gako iba iya gatatu.

Mu mupira w’amaguru mu bagore Military Health Service yegukanye irushanwa, ikurikirwa na Military Police, naho RMA Gako iba iya gatatu.

Amakipe yabaye aya mbere yahawe imidali ya Zahabu na miliyoni 5 Frw, aya kabiri ahabwa imidali ya Feza na miliyoni 3 Frw, naho aya gatatu ahabwa imidali y’Umuringa na miliyoni 1,5 Frw.

Komiseri Mukuru w'Urwego rw'u Rwanda rushinzwe Igorora, CG Murenzi Evariste, ari gusobanurirwa abakinnyi ba Military Police

Komiseri Mukuru w'Urwego rw'u Rwanda rushinzwe Igorora, CG Murenzi Evariste, asuhuza abakinnyi ba Military Police

MHS ifite abakinnyi bakomeye

Military Police yagerageje gukina neza ariko itakaza umukino

Abafana ba Military Police bari bafite umurindi udasanzwe

Abafana ba MHS bayishyigikiye bikomeye

MHS yegukanye irushanwa irikinnye bwa mbere

MHS yegukanye Igikombe cya RDF Liberation Cup

Abakinnyi n'abakunzi ba MHS bishimanye karahava

Abakinnyi ba MHS bashimira Imana ko batsinze

Mugiraneza Jean Baptiste ni we utoza MHS

Umuvugizi Wungirije w'Ingabo z'u Rwanda, Lt Col Simon Kabera, ni we wayoboye ibikorwa by'uyu munsi

Ingabo z'u Rwanda zishimira Umunsi wo Kwibohora nk'umunsi udasanzwe

Umuyobozi w'Umutwe urinda abayobozi bakuru, Gen Maj Willy Rwagasana, akurikiye ikipe ya RG yamuhesheje ishema

Komiseri Mukuru w'Urwego rw'u Rwanda rushinzwe Igorora, CG Murenzi Evariste, akurikiye umukino

Ingabo z'u Rwanda zizihije Umunsi wo Kwibohora

Abakinnyi BMTC Nasho yabanje mu kibuga

RG yegukanye RDF Liberation Cup ku nshuro ya kane

Abakinnyi RG yabanje mu kibuga

Minisitiri Rwego na Minisitiri Marizamunda bamaze gutangiza umukino

Minisitiri w'Ingabo, Marizamunda, atangiza umupira

Uwikunda Samuel yari umusifuzi wa kane kuri uyu mukino

Cpt Ian Kagame ari mu bwugarizi bwa RG

Cyomoro Ivan ashyigikiye murumuna we, Cpt Ian Kagame

Cpt Ian Kagame yari ayoboye bagenzi be mu kibuga

Cpt Ian Kagame aramukanya na Minisitiri Marizamunda

Bertrand Ndengeyingoma ni umwe mu bakurikiye imikino ya RDF Liberation Cup 2026

Ange Kagame akurikiye umukino wa RG na BMTC Nasho

Cpt Ian Kagame yafashije yafashije RG kwegukana RDF Liberation Cup

Cyomoro Ivan yaakurikiye umukino w'irushanwa ryo kwibohora

BMTC Nasho yakinnye neza ariko itakaza umukino

RG yoshimira igitego cyatsinzwe na Shema Mike

Abakunzi ba Military Police bihebye nyuma yo gutakaza igikombe

Mudahemuka John wa BMTC Nasho na Gasheja Desire wa RG bahanganiye umupira

Rwagasore Mike ukinira BMTC Nasho ni umwe mu bayifashije kugera ku mukino wa nyuma

Abakinnyi ba RG bakuye intsinzi ikomeye kuri BMTC Nasho

Umuyobozi w'Umujyi wa Kigali, Dusengiyumva Samuel, yambika umudali umwe mu bitwaye neza

SOF yegukanye irushanwa muri Volleyball

BMTC Nasho yegukanye irushanwa muri Basketball

Perezida wa FERWAFA, Shema Ngoga Fabrice, ari mu batanze ibihembo ku makipe yitwaye neza

Minisitiri w'Ingabo, Marizamunda, ategereje gutanga imidali

Abakinnyi n'abatoza ba RG bishimira igikombe

RG yahawe igikombe nasheki ya miliyoni 5 Frw

Abakinnyi ba RG begukanye RDF Liberation Cup 2026 nyuma yo kwegukana amarushanwa yo mu myaka yatambutse

Umugaba Mukuru w'Ingabo z'u Rwanda, Gen Mubarakh Muganga, ari mu bitabiriye imikino

Kapiteni wa RG, Cpt Ian Kagame, afite igikombe cyegukanywe n'ikipe ye

Amafoto: Umwari Sandrine
Video: Ndacyayisenga Emmy