00:00:00 IGIHE NETWORK KN KINYARWANDA EN ENGLISH FR FRANCAIS

Ishimwe rya Ndabahize wahawe amahirwe yo kureba ‘finale’ ya CAN 2021 n’inshuti ye muri Cameroun

Yanditswe na Bukuru JC
Kuya 18 February 2022 saa 07:19
Yasuwe :

Ndabahize Rodrigue yashimiye Ikigo Nyarwanda gikora ibijyanye na betting [gutega] ku mikino na Casino “Gorilla Games” ku mahirwe adasanzwe cyamuhaye yo kureba umukino usoza Igikombe cya Afurika ari muri Cameroun.

Ndabahize usanzwe utuye i Kanombe muri Kicukiro, hamwe n’inshuti ye, bombi barebye umukino wa nyuma wa CAN 2021 bari kuri Stade Olembé aho Sénégal yegukanye irushanwa ku nshuro ya mbere nyuma yo gutsinda Misiri kuri penaliti 4-2 ubwo ibihugu byombi byari bimaze kunganya ubusa ku busa mu minota isanzwe n’indi 30 y’inyongera.

Aba bombi bagiye muri Cameroun nyuma y’uko Ndabahize yabaye umunyamahirwe watsindiye kwishyurirwa byose bijyanye n’urugendo rw’abantu babiri nk’igihembo gikuru cya tombola ya Gorilla Games yiswe “YES U CAN” yari igamije gushimira abakiliya bayo.

Ubwo hasozwaga iyi tombola yabereye kuri televiziyo ku wa 25 Mutarama ni bwo hamenyekanye abandi banyamahirwe babiri bahawe televiziyo zigezweho za pousses 32 kugira ngo bazabashe gukurikirana imikino ya CAN bari iwabo mu rugo.

Kugira ngo umuntu yemererwe kwinjira muri iyi tombola yari yatangijwe na Gorilla Games ku wa 9 Mutarama, yasabwaga gutega nibura 1000 Frw cyangwa ari hejuru yayo ku mukino uwo ari wo wose wa CAN noneho agahita yinjira muri tombola.

Nk’ikigo kiyoboye ibindi mu bijyanye no gutega ku mikino mu Rwanda, Gorilla Games yabonye iki gikorwa nk’umwanya wo guha abakiliya bayo amahirwe yihariye yo kugira ibihe batazibagirwa.

Ndabahize Rodrigue watsindiye igihembo gikuru yajyanye n’inshuti ye i Yaoundé umunsi umwe mbere y’uko hakinwa umukino wa nyuma, tariki ya 5 Gashyantare, baherekejwe na Gakwandi Chris ushinzwe Imenyekanishabikorwa n’Itumanaho muri Gorilla Games. Bose bagarutse mu Rwanda tariki ya 7 Gashyantare, umunsi umwe nyuma y’umukino wa nyuma.

Aganira na The NewTimes, Ndabahize yagize ati “Ndacyafite imyaka myinshi yo kubaho ariko kureba umukino wa nyuma wa CAN muri Cameroun ni byo bihe ntazibagirwa. Ntabwo natekerezaga ko nzabafasha kureba umukino ukomeye nk’uriya mu buzima bwanjye ariko Gorilla Games yatumye biba. Batumye inzozi zanjye ziba impamo kandi ndabashimira. Ni byo bihe nzakomeza kwibuka no mu myaka iri imbere.”

Yakomeje avuga ko yari yarahoze afite inzozi kureba umukino w’amakipe akomeye imbonankubone ariko adafite igitekerezo cy’uburyo ashobora kubigeraho.

Yongeyeho ati “Batwishyuriye buri kimwe twakeneye mu rugo.”

Nyuma yo kujya muri Cameroun, Ndabahize yizeye ko ashobora no kongera kugira amahirwe muri tombola izatanga abajya i Londres ku mukino wa Premier League uzahuza Arsenal na Manchester United ku wa 23 Mata mu kindi gikorwa cya Gorilla Games cyiswe “Indoto Zabaye Impamo na Gorilla Games” kizatanga abanyamahirwe batatu bajya kureba uwo mukino.

Yagize ati “Ndakomeza gutega kurusha uko nabikoraga hamwe na Gorilla Games kugira ngo nongere amahirwe yanjye yo kuba naba umwe muri abo banyamahirwe batatu bazoherezwa kuri Emirates Stadium. Gutsindira igihembo gikuru cya “Yes U CAN” ntabwo byazamuye icyizere cyanjye kuri Gorilla Games gusa ahubwo byanyeretse ko buri wese ukina na Gorilla Games afite amahirwe yo gutsindira ibihembo bitandukanye.”

Umuyobozi ushinzwe Imenyekanishabikorwa n’Itumanaho muri Gorilla Games, Aimée Chris Gakwandi, yahishuye ko iki kigo gikora ibijyanye na betting gikomeje gushyiraho uburyo bwinshi bushya butagamije kwamamaza gusa ahubwo kugira ngo gishimire abakiliya bacyo bagire ibihe bitazibagirana.

Ati “Nk’Ikigo gikora ibijyanye no gutega ku mikino, umubare munini wacu w’abakiliya ni abantu ku giti cyabo baba bakunda siporo. Ni yo mpamvu twashyizeho igikorwa cya “Yes U CAN” tugamije gutanga igihembo gikuru k’uwatsinze ngo azagire ibihe atazibagirwa binyuze mu kureba umukino w’irushanwa rikomeye yibereye ku kibuga, kandi ni byo dushaka gukomeza guha Abanyarwanda mu bundi buryo bwinshi butandukanye.

Gakwandi yasabye abakiliya gukomeza gukina no kwitega andi amhirwe yihariye mu bindi bikorwa birimo “Indoto Zabaye Impamo na Gorilla Games” ikomeje aho abanyamahirwe batatu bazishyurirwa buri kimwe kugira ngo bajye kureba umukino Arsenal izakiramo Manchester United kuri Emirates Stadium muri Mata.

Kugira ngo umuntu yemerewe kwitabira ibikorwa bitandukanye bya tombola za Gorilla Games, agomba kuba ari umukiliya wayo wiyandikishije. Ushobora kwiyandikisha ukoresheje uburyo bwa USSD unyuze kuri *878# ubundi ugakurikiza amabwiriza. Hari kandi kunyura ku rubuga rwa internet www.playgorillagames.com cyangwa kuri application ya Gorilla Games sportsbook na Casino.

Ndabahize Rodrigue yajyanye n'inshuti ye ndetse n'umukozi wa Gorilla Games kureba umukino wa nyuma w'Igikombe cya Afurika muri Cameroun
Ndabahize n'inshuti ye muri Stade Olembe ubwo hakinwaga umukino wa nyuma wa CAN 2021
Ndabahize yavuze ko yahoraga yifuza kuzareba umukino w'amakipe akomeye yibereye ku kibuga
Yatsindiye itike yo kujya muri Cameroun nyuma yo kuba umunyamahirwe muri gahunda yiswe "YES U CAN"

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .