00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rwasubiye inyuma ku rutonde rwa FIFA, Sénégal iba iya mbere muri Afurika

Yanditswe na Bukuru JC
Kuya 11 February 2022 saa 09:17
Yasuwe :

Urutonde ngarukakwezi rwashyizwe ahagaragara n’Ishyirahamwe ry’Umupira w’Amaguru ku Isi (FIFA) ku wa Kane, tariki ya 10 Gashyantare 2022, rwasize Amavubi ari ku mwanya wa 136 ku Isi.

Ikipe y’Igihugu yakinnye imikino ibiri ya gicuti na Guinée mu ntangiriro za Mutarama, aho yatsinze umwe ku bitego 3-0 ariko igatsindwa undi ku bitego 2-0, yasubiye inyuma umwanya umwe kuri uru rutonde rwa FIFA.

Nubwo Amavubi yatakaje umwanya umwe ariko, yiyongereye hafi amanota abiri kuko yagize amanota 1097,16 avuye kuri 1095,34.

Ikipe y’Igihugu iri ku mwanya wa 40 muri Afurika, inyuma ya Sudani (133), Tanzania (132), Kenya (103), Uganda (84) na Repubulika Iharanira Demokarasi ya Congo (66) muri aka Karere k’Ibiyaga bigari.

Muri Afurika, Sénégal iheruka kwegukana Igikombe cya Afurika yafashe umwanya wa mbere (n’uwa 18 ku Isi), isimbuye Algérie yageze ku mwanya wa karindwi nyuma yo gusezererwa itarenze amatsinda ya CAN 2021.

Nta mpinduka zabaye mu myanya itatu ya mbere ku Isi irimo u Bubiligi, Brésil n’u Bufaransa, ariko Argentine yasimbuye u Bwongereza ku mwanya wa kane.

Ibihugu 10 bya mbere muri Afurika ni: Sénégal (ya 18 ku Isi), Maroc (24), Nigeria (32), Misiri (34), Tunisie (36), Cameroun (38), Algérie (43), Mali (48), Côte d’Ivoire (51) na Burkina Faso (56).

Ibihugu 10 bya mbere ku Isi: U Bubiligi, Brésil, u Bufaransa, Argentine, u Bwongereza, u Butaliyani, Espagne, Portugal, Danemark n’u Buholandi.

U Rwanda rwasubiye inyuma umwanya umwe ku rutonde rwa FIFA
Sénégal yabaye iya mbere muri Afurika nyuma yo kwegukana CAN 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .