Ni igikorwa cyabaye ku wa Gatandatu, tariki ya 13 Kamena 2026, aho iyi kipe yahagurutse kuri Club Rafiki yerekeza kuri Kigali Convention Centre inyuze Kimisagara, Nyabugogo, Muhima, City Center, Sopetrade na Remera.

Aka karasisi kandi kitabiriwe na Minisitiri wa Siporo, Nelly Mukazayire, Umuyobozi Mukuru w’Urwego rw’Ubwiteganyirize mu Rwanda (RSSB), Regis Rugemanshuro n’abandi.

Mu ijambo rye, Perezida wa RSSB Tigers, Shyaka Francis, yavuze ko intego ari ukuzitwara neza mu marushanwa mpuzamigabane.

Ati “Narishimye n’ubu ndakishimye kuko twabashije gukora amateka ariko ndanashimira abadufashije bose. Tugiye kwitegura FIBA Intercontinental Cup kandi twizeye ko naho tuzitwara neza.”

Hagumintwari Steven we yagaragaje ko icyafashije RSSB Tigers kwegukana igikombe ari uko abakinnyi bari bamenyeranye.

Ati “Icyahindutse uyu mwaka ni uko abakinnyi b’Abanyarwanda twari tumaze kumenyerana n’abanyamahanga bari beza bakoze ikinyuranyo. Ubu twagaragaje ko byose bishoboka n’abandi bakwizera ko bazabigeraho.”

RSSB Tigers izahagararira Umugabane wa Afurika muri FIBA Intercontinental Cup izabera mu Bushinwa muri Nzeri 2026.

Minisitiri wa Siporo, Nelly Mukazayire n'Umuyobozi wa RSSB, Regis Rugemanshuro bishimiye igikombe

Antino Jackson yereka abana bo kuri Club Rafiki igikombe

Umuyobozi Mukuru w'Urwego rw'Ubwiteganyirize mu Rwanda (RSSB), Regis Rugemanshuro yagaragaje ko iyi kipe izegukana ibindi bikombe byinshi

Akanyamuneza kari kose kuri Minisitiri wa Siporo, Nelly Mukazayire

Imodoka Tigers yagenzemo

Axel Mpoyo asinyira umwana ku mwambaro

Ntore Habimana asinyira abana bakinira Basketball kuri Club Rafiki

Mbere yo gutangira akarasisi hafashwe ifoto y'urwibutso

Abafana bari babucyereye

Umutoza wa RSSB Tigers, Henry Mwinuka ateruye igikombe aheruka kwegukana

Bizimana Paul ni umwe mu bafashije Tigers kwegukana igikombe

Ubwo RSSB Tigers yari igeze ku Gisimenti

RSSB Tigers yasengurutse umujyi yerekana igikombe cya BAL

Perezida wa RSSB Tigers, Shyaka Francis, afata ifoto y'urwibutso

Ubwo RSSB Tigers yanyuraga i Nyabugogo

Akarasisi kamanuka ku Kimisagara

Teafale Lenard Jr ni umwe mu bagize uruhare rukomeye muri iyi ntsinzi

Teafale Lenard Jr yari yitwaje impeta yahawe buri mukinnyi wegukanye BAL

Ntore Habimana yari yishimye bikomeye

Amafoto: Kwizera Herve& Cyubahiro Key