Kuri uyu wa Gatanu, tariki ya 22 Gicurasi 2026, ni bwo muri BK Arena hatangiye kubera imikino ya nyuma y’irushanwa rya Basketball Africa League (BAL 2026), ryakinirwaga mu Rwanda ku nshuro yaryo ya gatandatu.

Umukino wabanje wahuje ASC Ville de Dakar na Al Ahly, urangira ikipe yo muri Sénégal itsinze iyo mu Misiri amanota 93-90, hakurikiraho uwari utegerejwe na benshi wahuje RSSB Tigers yo mu Rwanda na FUS Rabat yo muri Maroc, dore ko muri BK Arena harimo abagera ku 6.264.

Mbere y’uko uyu mukino utangira, habaye ibirori byo gususurutsa abari muro BK Arena yari yuzuye , binyuze mu mikino itandukanye n’imbyino bya Mashirika.

Agace ka mbere k’umukino, Ntore Habimana na Leonard Craig Randall II bafashije RSSB kubona amanota menshi, karangira batsinze FUS Rabat amanota 24-13.

Kuany Atem Kuany na Ilias Aqboub ba FUS Rabat bagerageje kuyifasha mu gace ka kabiri kugira ngo bagabanye ikinyuranyo, ariko ntibyakunda igice cya mbere na cyo kirangira RSSB ikiyoboye ku manota 45-36.

Nyuma y’iki gice hakurikiyeho umuhanzi w’Umunya-Kenya Bien-Aimé Baraza uzwi nka Bien Aimé, akaba umwe mu bagezweho muri Afurika y’Iburasirazuba, wasusurukije abafana mu ndirimbo ze zirimo ‘Finale’ iri mu zikunzwe muri iki gihe.

RSSB Tigers BBC yakomeje kwitwara neza isoza agace ka gatatu ikiyoboye FUS Rabat ku manota 71-59, ariko mu ka kane itangira yasubiye inyuma kubera amakosa menshi byatumaga FUS Rabat ishaka kugabanya ikinyuranyo cy’amanota.

Gusa ntibyayikundiye kuko umurindi w’abafana ba RSSB Tigers BBC watumye igaruka mu mukino, ihita itsinda FUS Rabat n’agace ka kane ku manota 95-72, yegukana umukino wayo wa mbere.

Leonard Craig Randall II wa RSSB Tigers BBC ni we watsinze amanota menshi muri uyu mukino, aho yinjije amanota 38 wenyine. Mugenzi we Mangok Mathiang we yakoze Rebound nyinshi, aho yakoze 15.

Imikino izakurikiraho ni uwa Club Africain yo muri Tunisia izahura na Al Ahly Ly yo muri Libya, saa Cyenda z’Umugoroba, nurangira hakurikireho Atlético Petróleos de Luanda yo muri Angola izahura na Dar City yo muri Tanzania.

BK Arena ni imwe mu nyubako z'imyidagaduro zigezweho muri Afurika

Abafana bageze muri BK Arena mbere y'uko umukino utangira

Hari abafashe amafoto y'urwibutso

Abafana bazindutse bashaka kureba imikino

RSSB Tigers izasubira mu kibuga ku Cyumweru

ASC Ville de Dakar Basketball yatsinze Al Ahly

Irushanwa rya BAL ryabereye mu Rwanda ku nshuro ya gatandatu ryikurikiranya

Perezida wa BAL, Amadou Gallo Fall; Komiseri Wungirije muri NBA, Mark Tatum; Umuyobozi Mukuru wa NBA Africa, Clare Akamanzi batangije irushanwa ku mugaragaro

Abakinnyi ba RSSB Tigers bari kujya inama mbere yo guhura na FUS Rabat

Abakinnyi ba FUS Rabat bari kujya inama mbere yo gutangira umukino

Abakinnyi ba FUS Rabat bari kujya inama mbere yo gutangira umukino

RSSB Tigers yayoboye umukino mu duce twose

Mouhamadou Diagne wa FUS Rabat ari gutsinda amanota

Perezida Kagame yakurikiye umukino wa RSSB Tigers na FUS Rabat

Masai Ujiri yavuze yakurikiye uyu mukino

FUS Rabat yatsinzwe na RSSB Tigers ihagarariye u Rwanda mu irushanwa

Abafana ba RSSB Tigers BBC bayibaye inyuma

Bien-Aimé Baraza yanyujijemo aranabyina

Bien-Aimé Baraza yaririmbiye abakunzi ba Basketball

Abanyarwanda bari bashyigikiye RSSB Tigers

FUS Rabat yatsinzwe umukino wa mbere muri BAL 2026

Craig Randall yitwaye neza muri uyu mukino

Amafoto: Rusa Prince & Umwali Sandrine