Iyi mikino yabereye muri BK Arena mu ijoro ryo ku wa Gatatu, tariki ya 5 Kanama 2026.

Umukino wa APR na RSSB Tigers wari utegerejwe cyane, ndetse ntiwatinze kugaragara ko wari ubikwiye kuko amakipe yombi yatangiye atsindana cyane.

Agace ka mbere karangiye amakipe yombi anganya amanota 22-22.

Mu gace ka kabiri, Craig Randall yatangiye gutsinda amanota azwiho, Ikipe y’Ingabo izamura ikinyuranyo.

Aka gace APR yagatsinze ku manota 24-21, igice cya mbere kirangira iyoboye umukino n’amanota 46 kuri 43 ya RSSB Tigers.

Tigers yasubiranye imbaraga mu gace ka gatatu, Bey Tarik ayitsindira amanota menshi. Ubwo aka gace kaburaga umunota ngo karangire, iyi kipe yari iyoboye umukino n’amanota 66-64.

Agace ka gatatu karangiye, RSSB Tigers iyoboye umukino n’amanota 71 kuri 66 ya APR BBC.

Agace ka nyuma, Bey na Zouzoua Mimi batsindiye Tigers amanota menshi, izamura ikinyuranyo kigera mu manota 13 (84-71).

Ikipe y’Ingabo yakomeje kurushwa bigaragara cyane ko na Randal amanota atatu yari yanze.

Umukino warangiye RSSB Tigers yegukanye intsinzi y’umukino wa mbere, ku manota 97 kuri 82 ya APR BBC.

Bey Tyler Tarik wa Tigers yatsinze amanota 39 muri uyu mukino.

Mu mukino wabanjirije uyu, Patriots yitwaye neza itsinda REG BBC amanota 84-75.

Imikino ya kabiri iteganyijwe ku wa Gatanu muri BK Arena.

Zouzoua Nisre Mimi ahanganye na Axel Mpoyo

Yari imikino iryoshye cyane

Bey Tyler Tarik yatsinze amanota 39 muri uyu mukino

Craig Randal ahanganye na Nyamwasa Bruno

Ishimwe Lars yinjiye mu kibuga ahindura umukino

Adonis Filer atsinda amanota abiri

Bey Tyler Tarik ahanganye na Teafale Jr

Henry Mwinuka na Keneth Gasana batoza RSSB Tigers batanga amabwiriza

Umugore wa Adonis, Kamali Kathia aba yagiye gushyigikira umugabo we

Zouzoua Nisre Mimi yagoye APR cyane

Teafale Jr atsinda dunk

Bey Tyler Tarik atsinda dunk

Craig Randall amanota atatu ntiyamuhiriye nk'ibisanzwe

Muri iyi mikino hitabajwe abasifuzi b'abanyamahanga

Garba Kennedy atsinda dunk

Irakoze Herve Hodal atsinda amanota abiri

Stubbs Jeffery Tyrone yafashije Patriots kwitwara neza

Amafoto y'urwibutso yafashwe ku bwinshi

Obadiah Noel yakinnye umukino we wa mbere muri Patriots

Damaria Franklin ni umwe mu bakinnyi bakomeye muri Patriots BBC

Uyu mwana ni umufana ukomeye wa Basketball

Amafoto: Umwari Sandrine