00:00:00 IGIHE NETWORK KN KINYARWANDA EN ENGLISH FR FRANCAIS

NBA Playoffs: Miami Heat yabonye intsinzi ya kabiri

Yanditswe na Mihigo Saddam
Kuya 22 May 2022 saa 11:58
Yasuwe :

Miami Heat yabonye intsinzi ya kabiri mu mikino ya nyuma y’igice cy’Iburasirazuba mu mikino ya kamarampaka ya NBA, aho yatsinze Boston Celtics ku manota 109-103.

Miami Heat yatsinze umukino wa kabiri itsinda Boston Celtics bahanganye amanota 109-103 (39-18, 23-29, 25-25, 22-31).

Wari umukino wa gatatu hagati y’impande zombi kuko imikino ibiri ibanza buri ruhande rwatsinze umukino umwe.

Umukino ubanza, Miami Heat yari yawutsinze n’amanota 18-107 (25-28, 29-34, 39-14, 25-31), mbere yo kwishyurwa mu mukino wa kabiri itsindwa amanota 127-102 (35-24, 35-21, 26-26, 31-31).

Mu mukino wa gatatu wakinwe mu rukerera rw’iki Cyumweru, Bam Adebayo wa Miami Heat yatsinze amanota 31 anaba umukinnyi wa kabiri watsinze amanota menshi.

Anthony Leon "P. J." Tucker Jr na we ari mu bakinnyi bafashije Miami Heat kuzamura amanota kuko yatsinze amanota 17 amugira uwa kabiri wayitsindiye menshi.

Muri iyi kipe kandi, Max Strus yatsinze amanota 16, Kyle Lowry 11 mu gihe Tyler Herro yatsinze amanota umunani mu mukino yakinnye iminota 20.

Ku ruhande rwa Golden State Warriors, Jaylen Brown yatsinze amanota 40 amugira umukinnyi wahize abandi bose mu mukino mu kureba mu nkangara.

Al Horford yatsinze amanota 20, Jayson Tatuma atsinda 10 mu gihe mugenzi we Marcus Smart atarengeje amanota 16. Grant Williams nawe yatsinze 10.

Umukino wa kane hagati ya Miami Heat na Boston Celtics uzakinwa kuwa Kabiri tariki 24 Gicurasi 2022 saa munani n’igice z’igicuku.

Mu rukerera rw’uyu wa Mbere guhera saa cyenda zuzuye, Golden State Warriors irasura Dallas Mavericks bakina umukino wa gatatu.

Golden State Warriors yatsinze imikino ibiri ibanza bityo iraba ishaka intsinzi ya gatatu ku kibuga cya American Airlines Center aho Dallas Mavericks yakirira imikino.

Edrice Femi "Bam" Adebayo yabaye ikinyuranyo cyiza mu gufasha Miami Heat gutsinda Boston Celtics
Bam Adebayo na Anthony Leon "P. J." Tucker Jr bazamuye icyizere cy'abafana ba Miami Heat
Bam Adebayo yatsinze amanota 31 mu mukino
Miami Heat irasabwa gutsinda imikino ibiri muri ine isigaye kugira ngo izajye mu mikino ya nyuma izatanga igikombe
Marcus Smart wa Boston Celtics yagerageje gushaka amanota ariko ikinyuranyo cya Miami kiba umukoro ukomeye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .