Boston Celtics yatwaye igikombe izahura na Golden State Warriors yatwaye igikombe cy’uburengerazuba.

Umukino wa karindwi hagati ya Boston Celtics na Miami Heat warangiye abakinnyi ba Boston bafite ikinyuranyo cy’amanota ane, 100-96 (32-17, 23-32,27-26, 18-21).

Jayson Tatum yatsinze amanota 26, umwe mu bakinnyi bafashije Boston kuyobora agace ka mbere n’aka gatatu kuko buri kipe yayoboye uduce tubiri. Tatum ni na we wabaye umukinnyi mwiza (MVP).

Jaylen Brown na Marcus Smart buri umwe yatsinze amanota 24 ku ruhande rwa Boston Celtics mu gihe Derrick White yatsinze amanota umunani.

Grant Williams yakinnye iminota 30 afasha ikipe ya Boston Celtics atsinda amanota 11.

Ku ruhande rwa Miami Heat, Jimmy Butler yatsinze amanota 35 anaba umukinnyi watsinze amanota menshi mu mukino wose. Bam Adebayo yatsinze amanota 25.

Kyle Lowry yatsinze amanota 15 mu minota 39 yakinnye, Victor Oladipo atsinda amanota icyenda arusha inota rimwe Max Strus watsinze amanota umunani.

Boston Celtics yagarutse mu mikino ya nyuma y’ibyerekezo nyuma y’imyaka 12 kuko ibiheruka mu 2010.

Imikino ya Playoffs izahuza Boston Cletics na Golden State Warriors izatangira kuri uyu wa Kane tariki ya 2 Kamena 2022 mu Mujyi wa San Francisco.

Jimmy Butler yatsinze amanota 35 arusha abandi bose bari mu mukino n'ubwo bitamuhiriye ko afasha Miami Heat kubona itike

Bam Adebayo yafashije Miami Heat kugora Boston Celtics atsinda amanota 25

Boston Celtics yari imaze imyaka 12 ashaka itike yo gukina imikino ya nyuma muri NBA

Igice cya mbere cy'umukino cyasize Boston Celtics igaragaza ko ifite amahirwe yo gutwara umukino wose

Jayson Tatum wa Boston Celtics niwe wabaye umukinnyi witwaye neza (MVP)

Boston Celtics yatsinze Miami Heat imikino 4-3 mbere yo kuzipima na Golden State Warriors

Urugendo rwa Miami Heat rwarangiye itsinze imikino itatu muri irindwi yakinwe