Uyu ni umwaka udasanzwe kuko ari n’inshuro ya mbere mu Rwanda habereye imikino y’amatsinda yo gushaka itike yo kuzakina imikino ya nyuma by’umwihariko Itsinda rya Nile Conference.

Iri tsinda rihuriyemo amakipe akomeye arimo APR BBC yo mu Rwanda rwakiriye imikino, hakaba Nairobi City Thunder yo muri Kenya, MBB Blue Soldiers yo muri Afurika y’Epfo ndetse na Al Ahli Tripoli yo muri Libya.

Umukino wa mbere wabereye muri BK Arena iri kwakira iyi mikino, wakinwe ku wa Gatandatu, tariki ya 17 Gicurasi 2025, uhuza MBB Blue Soldiers na Al Ahli Tripoli.

Mbere y’umukino, Perezida wa Basketball Africa League (BAL), Amadou Gallo Fall, yatangije iyi mikino ku mugaragaro, anerekana amakipe azakina.

Al Ahli Tripoli yahise ibona intsinzi ya mbere mu mukino wabimburiye indi, nyuma yo gutsinda MBB Blue Soldiers amanota 87-77.

Umukino wari utegerejwe na benshi wakurikiyeho, uhuza APR BBC yo mu Rwanda na Nairobi City Thunder yitabiriye iyi mikino ku nshuro ya mbere.

Ni umukino wakurikiwe na Perezida Paul Kagame na Madamu Jeannette Kagame. Bari kumwe kandi n’umukobwa wabo, Ange Kagame n’umugabo we, Bertrand Ndengeyingoma, n’abana babo.

Umuyobozi Mukuru wa NBA Africa, Clare Akamanzi na Perezida wa BAL, Amadou Gallo Fall, bari muri BK Arena, ndetse na Minisitiri wa Siporo, Nelly Mukazayire.

Nta kabuza benshi mu bari bitabiriye umukino bifuzaga ko APR BBC itsinda kuko yakiniraga iwayo, ndetse iza kubigeraho nyuma yo kunyagira Nairobi City Thunder amanota 92-63.

Muri uyu mukino hagati hanyuzemo ibirori by’umuhanzi King Promise ukomoka muri Ghana, waririmbye indirimbo ze zamenyekanye cyane muri Afurika zirimo na Terminator.

Itorero Inganzo Ngari naryo ryaserutse mu mbyino gakondo zinogeye amaso kuko zashushanyaga iterambere ry’umukino wa Basketball mu Rwanda.

Imikino ya BAL 2025 mu Itsinda rya Nile Conference irakomeza kuri iki Cyumweru, tariki ya 18 Gicurasi, aho APR BBC ikina na MBB Blue Soldiers, na Nairobi City Thunder igacakirana na Al Ahli Tripoli.

Al Ahli Tripoli iri mu makipe meza muri Nile Conference

Abakinnyi ba Al Ahli Tripoli batangiranye icyizere

MBB Blue Soldiers yibutse gukina neza Al Ahli Tripoli yayitanze kuyobora umukino

MBB Blue Soldiers yo muri Afurika y'Epfo yatsinzwe umukino ubanza

MBB Blue Soldiers yakinnye neza agace ka nyuma

MBB Blue Soldiers yakinnye neza agace ka nyuma

MBB Blue Soldiers na Al Ahli Tripoli zatangiye zihangana ariko ikipe yo muri Afurika y'Epfo igeraho icika intege

Perezida Kagame yageze muri BK Arena umukino wa APR BBC na Nairobi City Thunder ugiye gutangira

Abafana ba APR bafanaga mu buryo budasanzwe

Perezida Kagame yakurikiye umukino wa APR BBC na Nairobi City Thunder

Abafana bari benshi muri BK Arena

Intore z'u Rwanda zahamirije karahava

Perezida Kagame yari kumwe na Perezida wa BAL, Amadou Gallo Fall

Amadou Gallo Fall ni we watangije imikino

Visit Rwanda ni umwe mu bafatanyabikorwa b'imena ba BAL

Umugabo wa Ange Kagame n'umukobwa wabo bakurikiye umukino wa APR BBC

Madamu Jeannette Kagame yitabiriye umukino wa mbere wa APR BBC muri BAL

Ange Kagame n'umukobwa we bakurikiye umukino wa APR BBC na Nairobi City Thunder

Wari umunsi w'ibirori byarimo n'imbyino gakondo

Aliou Diarra wa APR BBC yishyushya mbere y'umukino

APR BBC yari ishyigikiwe cyane

Ntore Habimana afite umupira ashaka uwo aza kuwuha

Adonis Filer yari muri BK Arena akurikiye umukino w'ikipe ye

APR BBC yaguze abakinnyi beza batangiye kuyifasha muri BAL

Ntore Habimana ari kwitoza gushyiramo amanota

William Robeyns wa APR BBC yihutana umupira

Aliou Diarra wa APR BBC yabaye umukinnyi mwiza w'umukino

Aliou Diarra ari gushyiramo amanota

Adonis Filer wagize imvune yakurikiranye umukino wa APR BBC na Nairobi City Thunder

Aliou Diarra ni umwe mu bakinnyi bashimishije abafana

William Robeyns wa APR BBC agerageza kunyura ku mukinnyi wa Nairobi City Thunder

Dane Anthony Miller agerageza kunyura mu bakinnyi ba Nairobi City Thunder

Nairobi City Thunder yakinnye neza agace ka mbere ariko udusigaye twiharirwa na APR BBC

Nshobozwabyosenumukiza ni umwe mu bakinnyi bafasha cyane APR BBC

Chasson Jermar Randle wa APR BBC yabaye mwiza mu gace ka gatatu

Uchenna Iroegbu wa Nairobi City Thunder yayikiniye neza mu gace ka mbere

Abafana bari bizihiwe

Nshobozwabyosenumukiza agerageza gutuma Uchenna Iroegbu adatambuka

King Promise yasusurukije abitabiriye umukino

King Promise ni umwe mu bahanzi bakunzwe muri Afurika

King Promise yari ategerejwe n'abatari bake

King Promise yaririmbye mu karuhuko k'igice cya mbere cy'umukino wa APR BBC na Nairobi City Thunder

Umuhanzi w'Umunye-Ghana, King Promise, yanejeje abari muri BK Arena

Indirimbo za King Promise zanyuze abari bategereje igic cya kabiri cy'umukino wa APR BBC na Nairobi City Thunder

King Promise yaturutse muri Ghana aje mu Rwanda gucurangira abakunzi ba Basketball

King Promise yari kumwe n'itsinda rimubyinira

BK Arena yari yarimbishijwe mu buryo bw'imikino ndetse n'ibirori

Itorero Inganzo Ngari ryakinnye umukino ushushanya iterambere rya Basketball

Ntore Habimana wa APR BBC yishimiye intsinzi ya mbere

APR BBC yatsinze Nairobi City Thunder

Dane Anthony Miller wa APE BBC agerageza gutsinda

Abakunzi ba APR BBC bayishyigikiye bikomeye

Umuino mwiza wa APR BBC wahagurukije abakunzi bayo

Nathalie Munyampenda ni umwe mu bakunda umukino wa Basketball

Abakinnyi ba APR BBC bateye intambwe ya mbere igana mu mikino ya nyuma ya BAL

Dylan Schommer agerageza gukora amanota

Abakinnyi ba APR BBC bishimira intsinzi ya mbere

Juno Kizigenza yari mu bakurkiye umukino wa APR BBC

Abafana bacyuye amafoto y'urwibutso

BK Arena yari yuzuye abakunzi ba Basketball

Rwampungu Meshack ukina Basketball y'abafite ubumuga ntiyatanzwe kuri uyu mukino wa APR BBC na Nairobi City Thunder

Abakunzi ba APR BBC bishimiye intsinzi

BK Arena ikomeje kuba inyubako y'akataraboneka mu kwakira imikino y'amaboko

Abafana bari benshi muri BK Arena hagiyeho umukino wa APR BBC

Intsinzi ya APR BBC yari ikenwe na benshi

Abafana ba APR BBC bifashishije ingoma mu kuyishyigikira

Nairobi City Thunder na yo yari ifite abafana bayishyigikiye

Usibye kuba yari imikino, wari n'umunsi w'ibirori

Amafoto ya IGIHE: Sumbusho Djasili & Rusa Prince