00:00:00 IGIHE NETWORK KN KINYARWANDA EN ENGLISH FR FRANCAIS

Haracyibazwa ikomeza hagati ya REG BBC na APR BBC nyuma y’isubikwa ry’umukino

Yanditswe na Iradukunda Olivier
Kuya 1 September 2022 saa 04:37
Yasuwe :

Mu mukino uheruka APR BBC yigaranzuye REG BBC iyitsinda mu mukino wa kabiri wa kamparamaka (Playoffs) amanota 68-59, gutsinda kwa APR BBC kwatumye hazitabazwa umukino wa gatatu, kuko ubu amakipe yombi amaze gutsinda umukino umwe kuri umwe.

Kuri uyu wa Gatanu tariki ya 2 Nzeri 2022 hateganyijwe undi mukino wo kwisobanura. Uyu mukino urabera muri Stecol Basketball Court i Masoro saa 20h00.

Uyu mukino wagombaga kuba tariki ya 31 Kanama 2022, ariko biza gutangazwa ko usubitswe kubera impamvu z’ikirere kitari kimeze neza.

APR yari yatsinzwe umukino wa mbere ku buryo bugaragara yagarutse mu mukino wa kabiri ikomeye ku buryo batakekaga, nyuma iza kurusha REG bigaragara. Mu mukino wa mbere APR yari yatsinzwe amanota 85 kuri 47.

Ku rundi ruhande Patriots yatsinze Tigers biyoroheye umukino wa kabiri, amanota 73-51 igera ku mukino wanyuma, itegereje izava hagati ya APR na REG.

Imikino ya nyuma izatangira tariki 7 Nzeri 2022 muri BK Arena. Ikipe izatsinda imikino itatu muri itanu ni yo izegukana igikombe.

Haracyibazwa ikomeza hagati ya REG BBC na APR BBC nyuma y’isubikwa ry’umukino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .