Wari witezwe cyane kuko Tigers yiyubatse cyane yari ifite abakinnyi yakuye muri Patriots BBC, mu gihe nayo yashakaga kugaragaza ko atari iyo kurenzwa ingohe.

Ni umukino watangiranye imbaraga ku mpande zombi, aho Damaria Franklin yatsindiraga Patriots amanota menshi, Anthony Tarke akabigenza utyo ku rundi ruhande.

Agace ka mbere karangiye RSSB Tiger BBC iyoboye umukino n’amanota 23 kuri 21 ya Patriots.
Tigers yakomeje gukina neza mu gace ka kabiri abakinnyi bayo benshi batsinda bityo izamura ikinyuranyo kigera mu manota 10 (39-29).

Igice cya mbere cyarangiye RSSB Tigers yatsinze Patriots BBC amanota 45-35.

Mu gace ka gatatu, umukino washyushye amakipe yombi yongera gutsindana ariko Bizimana Paul agatsinda amanota akora ikinyuranyo.

Aka gace karyoshye karangiye RSSB Tigers ikomeje kuyobora umukino n’amanota 61 kuri 54 ya Patriots.

Mu gace ka nyuma, Patriots yagerageje kugabanya ikinyuranyo ariko ikagorwa n’abakinnyi igenderaho bari barushye.

Umukino warangiye RSSB Tigers yatsinze Patriots BBC ikinyuranyo cy’amanota 20, (86-66) ibona intsinzi ya kabiri muri shampiyona.

Umunyamerika Anthony Tarke wa Tigers yatsinze amanota 20 muri uyu mukino.

Mu wundi mukino, Kepler BBC yatsinze UGB amanota 65-57, iba umukino wa kabiri itsinzwe.

Mu bagore, The Hoops yatsinze IPRC Huye amanota 72-60, REG WBBC itsinda GS Marie Reine Rwaza amanota 80-52.

Albert Odero ahanganiye umupira

Damaria Franklin ni umwe mu bakinnyi bakomeye muri Patriots BBC

Anthony Tarke yatsinze amanota 20 muri uyu mukino

Kwizera Sage ni agerageza gutsinda ahanganye na Pitchou Manga

Ishimwe Lars agerageza gutanga umupira

Chadie Bowie yafashije Kepler gutsinda UGB

UGB ntirabona intsinzi mu mikino ibiri ya shampiyona imaze gukina

The Hoops yatangiye shampiyona neza

The Hoops yatsinze IPRC Huye amanota 72-60

Mushikiwabo Sandrine ashaka inzira yo gutsinda

Kantore Sandra uzwi nka Do Me yasubiye muri REG WBBC avuye muri APR WBBC yari amazemo imyaka ibiri