00:00:00 IGIHE NETWORK KN KINYARWANDA EN ENGLISH FR FRANCAIS

US Monastir yasuye Urwibutso rwa Jenoside yakorewe Abatutsi

Yanditswe na Mihigo Saddam
Kuya 30 May 2022 saa 10:24
Yasuwe :

Ikipe ya US Monastir yo muri Tunisie iheruka gutwara irushanwa rya Basketball Africa League (BAL) rya 2022 itsinze Petro de Luanda yo muri Angola amanota 83-72, yasuye Urwibutso rwa Jenoside yakorewe Abatutsi rwa Kigali mbere yo gusubira iwabo.

Kuwa Gatandatu tariki 28 Gicurasi 2022 nibwo US Monastir yakoze amateka yo gutwara igikombe cya BAL mu gihe mu 2021 yari yatsindiwe ku mukino wa nyuma.

Mbere yo gufata urugendo basubira i Tunis, abakinnyi n’abayobozi ba US Monastir basuye Urwibutso rwa Jenoside yakorewe Abatutsi mu Rwanda mu 1994 ruri ku Gisozi.

Basobanuriwe amateka yaranze u Rwanda kuva mu bihe by’ubukoloni kugera ubwo hateguwe Jenoside ikanashyirwa mu bikorwa.

Aba bakinnyi bashyize indabo ku mva ndetse banasinya mu gitabo cy’abashyitsi.

US Monastir niyo izahagararira Umugabane wa Afurika mu mikino ihuza amakipe yatwaye ibikombe ku migabane abarizwaho.

Abakinnyi n'abayobozi ba US Monastir basoma amateka yaranze u Rwanda
Mbere yo gusohoka mu rwibutso babanje kuganiririzwa banasinya mu gitabo cy'abashyitsi
Abakinnyi, abayobozi n'abatoza ba US Monastir bunamiye abashyinguwe mu rwibutso rwa Jenoside ruri ku Gisozi
Firas Lahyani umukinnyi ukomeye wa US Monastir n'ikipe y'igihugu ya Tunisie
US Monastir yatwaye igikombe yari yatwawe na Zamalek mu 2021

.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .