00:00:00 IGIHE NETWORK KN KINYARWANDA EN ENGLISH FR FRANCAIS

APR WBBC yaguze Umunyamerika wifuje gukinira u Rwanda

Yanditswe na Byiringiro Osée Elvis
Kuya 9 June 2024 saa 11:15
Yasuwe :

Ikipe ya APR Women Basketball yaguze Umunyamerika Taylor Hosendove ukinira Oregon Ducks Women’s Basketball yo muri Leta Zunze Ubumwe za Amerika.

Uyu mukinnyi umaze iminsi i Kigali ni umwe mu bari bitabajwe n’Ikipe y’Igihugu mu Gikombe cya Afurika giheruka ariko kubera ikibazo cy’ibyangombwa bitabonekeye igihe birangira atifashishijwe.

Mu gihe shampiyona igeze mu mikino yo kwishyura, amakipe yatangiye kwiyubaka ngo azagere mu Mikino ya Kamarampaka abakinnyi baramenyerane.

Si Taylor gusa, kuko Ikipe y’Ingabo ikomeje ibiganiro n’abandi bakinnyi batandukanye kugira ngo bazayifashe kwisubiza Igikombe cya Shampiyona mu rugamba iri kumwe na mukeba REG WBBC yiyubatse cyane muri uyu mwaka w’imikino.

Kugeza ubu ku rutonde rwa shampiyona, REG WBBC irayoboye n’amanota 21, ikurikiwe na APR WBBC ifite amanota 20 n’umukino umwe w’ikirarane.

Ku mwanya wa gatatu hariho Groupe Scolaire Marie Reine Rwaza n’amanota 18, aho irusha abiri Kepler WBBC ya kane.

Taylor Hosendove ni umwe mu bakinnyi bazafasha APR WBBC mu mikino yo kwishyura
Umunyamerika Taylor Hosendove ukinira Oregon Ducks Women's Basketball yageze muri APR WBBC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .