00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda n’u Bufaransa byinjiye mu bufatanye bwo guteza imbere Tennis

Yanditswe na Eric Tony Ukurikiyimfura
Kuya 1 June 2024 saa 04:56
Yasuwe :

Ishyirahamwe ry’Umukino wa Tennis mu Rwanda n’iry’u Bufaransa, yasinyanye amasezerano y’ubufatanye ku wa 29 Gicurasi, agamije guteza imbere uyu mukino mu bihugu byombi.

Igikorwa cyo gushyira umukono kuri aya masezerano cyabereye mu Bufaransa, ahari kubera Irushanwa rya Roland-Garros, ryitabiriwe na Perezida w’Ishyirahamwe Nyarwanda rya Tennis (RTF), Karenzi Théoneste.

Iri rushanwa riri muri ane akomeye muri Tennis ku Isi, ryatangiye ku wa 26 Gicurasi mu gihe rizasozwa ku wa 9 Kamena.

Mu minsi amaze mu Bufaransa, Karenzi yahuye na mugenzi we uyobora Ishyirahamwe rya Tennis mu Bufaransa (FFT), Gilles Moretton, basinyana amasezerano y’ubufatanye agamije gusangizanya ubunararibonye hagamijwe kuzamura uyu mukino ku rundi rwego.

Ubwo u Rwanda rwakiraga Irushanwa rya ATP Challenger 50 Tour i Kigali hagati ya tariki ya 26 Gashyantare n’iya 10 Werurwe, Ishyirahamwe rya Tennis mu Bufaransa ryohereje umwe mu bayobozi baryo yitabira irushanwa aho yahuye na Karenzi baganira uburyo impande zombi zafatanya.

Karenzi yatumiwe n’iri Shyirahamwe kugira ngo azitabire Roland-Garros aho amasezerano yasinyiwe. Yajyanye kandi n’Umuyobozi wa Tenike muri RTF, Eric Uwamahoro Bimenyimana.

Yavuze ko u Rwanda ruzungukira cyane mu bufatanye bw’impande zombi haba mu gutegura amarushanwa, kuzamura impano z’abakinnyi no guhura abatoza n’abasifuza.

Ati "Ubufatanye twagiranye turashaka ko bushyirwa mu bikorwa ako kanya kuko twizeye ko Tennis y’u Rwanda izabwungukiramo."

Muri iri rushanwa harimo abana babiri b’Abanyarwanda batora imipira ndetse n’Umusifuzi Désiré Ngurusu.

erezida w’Ishyirahamwe Nyarwanda rya Tennis (RTF), Karenzi Théoneste (hagati) ari mu Bufaransa aho yitabiriye Irushanwa rya French Open ryamamaye nka Roland-Garros
Perezida w'Ishyirahamwe Nyarwanda ry'Umukino wa Tennis, Karenzi Théoneste (hagati) na mugenzi we w'u Bufaransa, Gilles Moretton, bashyira umukono ku masezerano y'ubufatanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .