00:00:00 IGIHE NETWORK KN KINYARWANDA EN ENGLISH FR FRANCAIS

RS Berkane yatwaye CAF Confederation Cup itsinze Orlando Pirates

Yanditswe na Mihigo Saddam
Kuya 21 May 2022 saa 09:20
Yasuwe :

Ikipe ya Renaissance Sportive de Berkane (RS Berkane) yo muri Maroc yatwaye irushanwa rya TOTAL CAF Confederation Cup ya 2021-2022 itsinze Orlando Pirates penaliti 5-4 nyuma y’uko umukino warangiye banganya igitego 1-1.

Uyu mukino wabereye ku kibuga cya Godswill Akpabio International Stadium muri Nigeria. Ikipe ya RS Berkane ni yo yafunguye amazamu ku munota wa 97 yishyurwa ku munota wa 117.

Penaliti yatewe na Youssef El Fahli ku munota wa 97 yafashije abakinnyi ba RS Berkane kugira icyizere ariko nyuma y’iminota icumi, Thembinkosi Lorch yahise akishyura anahembwa nk’umukinnyi witwaye neza.

Iminota 120 irangiye, amakipe yombi yagiye mu gutera penaliti, abakinnyi ba RS Berkane baziteye neza mu gihe Orlando Pirates bahushije imwe.

Wari umukino ukomeye kuko amakipe yombi yari yegeranye mu mibare ivamo amahirwe y’igitego. Abakinnyi ba RS Berkane bateye amashoti umunani kuri 12 ya Orlando Pirates.

Mu mashoti umunani ya RS Berkane, abiri niyo yagannye mu izamu mu gihe muri 12 ya Olando Pirates yo muri Afurika y’Epfo harimo atandatu agana mu izamu.

Nubwo yatsinzwe, Orlando Pirates yasoje umukino yihariye umupira ku kigero cya 51% mu gihe RS Berkane byari 49%.

Mu nzira RS Berkane yari irimo, yasezereye APR FC mu ijonjora rya gatatu ryo gushaka itike y’amatsinda mu gihe muri ¼ , Orlando Pirates yasezereye Simba SC yo muri Tanzania.

RS Berkane yatwaye iki gikombe ku nshuro ya kabiri kuko yanagitwaye mu mwaka w’imikino 2019-2020 itsinze Pyramids yo mu Misiri ku mukino wa nyuma.

Orlando Pirates nta gikombe mpuzamahanga iratwara uretse ko mu 2015 yageze ku mukino wa nyuma w’iri rushanwa igatsindwa na Étoile Sportive du Sahel yo muri Tunisie.

RS Berkane yatwaye igikombe cya kabiri cya CAF
Irushanwa rya CAF Confederation Cup ryasojwe hasigaye CAF Champions League izasozwa kuwa 30 Gicurasi 2022
Abakinnyi ba Orlando Pirates bagaruye icyizere cy'igikombe habura iminota itatu kugira ngo umukino urangire
RS Berkane yakuyemo APR FC muri Maroc mu ijonjora rya gatatu
Orlando Pirates yatsindiwe ku mukino wa nyuma inshuro ebyiri mu myaka irindwi
Abakinnyi ba Orlando Pirates barushije aba RS Berkane gutindana umupira mu mukino
RS Berkane izakina umukino wa Super Cup ya 2022 izahure hagati y'ikipe izatwara Champions League mu mukino uri hagati ya Al Ahly na Wydad Casablanca
Urugendo rwa Orlando rusojwe iri ku mwanya wa kabiri muri CAF Confederation Cup

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .