Kuri uyu wa Gatandatu, tariki ya 10 Kanama 2024, ni bwo aba bombi basangije ababakurikira amafoto yabo bemeze ko ubu bagiye kubana akaramata.

Nshuti aherutse kuvuga ko urukundo rwe na Umutesi rugeze aharyoshye ndetse uyu mwaka ugomba gusiga amukoye, bakajya imbere y’Imana ikabiha umugisha ndetse n’imbere y’amategeko.

Mu butumwa Umutesi Tracy buherekejwe n’akamenyetso k’umutima yagize ati "Ibihe bidashira byatangiye uyu munsi." Ibi kandi ni byo Nshuti yashimangiye avuga ko "uzahora uri uw’ibihe byanjye byose."

Muri 2017 ni bwo aba bombi urukundo rwa bo rwatangiye kuvugwa cyane mu itangazamakuru ubwo Nshuti Savio yakiniraga Rayon Sports.

Mu 2019 hajemo agatotsi bituma Umutesi atangaza ko afite undi mukunzi ariko ndetse banatandukanye ariko nyuma bongera gusubirana banemeranya kubana nk’umugore n’umugabo.

Nshuti Dominique Savio yamenyekanye cyane muri Rayon Sports avuye mu Isonga, anyura muri AS Kigali ndetse na APR FC mbere yo kujya muri Police FC iheruka kumurekura.

Nshuti Dominique Savio amaze imyaka irenga irindwi akundana na Umutesi Tracy

Nshuti Dominique Savio aherutse gutandukana na Police FC

Nshuti Dominique Savio na Umutesi Tracy bagiye kubana akaramata

Umutesi Tracy yakunze kugaragariza Nshuti Dominique Savio ko amukunda byimazeyo

Urukundo rwa Nshuti Dominique Savio na Umutesi rugeze aharyoshye

Ibisitaza byitambitse urukundo rwa Nshuti Dominique Savio na Umutesi Tracy babinyuzemo bemye

View this post on Instagram

A post shared by Nshuti Savio (@nshuti_savio)