Irushanwa ‘Amashuri Kagame Cup’ rigeze mu mikino ya ¼

00:00:00 IGIHE NETWORK

KINYARWANDA

ENGLISH

FRANCAIS

Irushanwa ‘Amashuri Kagame Cup’ rigeze mu mikino ya ¼

Yanditswe na IGIHE

Kuya 21 May 2026 saa 10:36

Yasuwe :

Yavuzweho:

Imikino y’amatsinda yahuje ibigo by’amarushuri byo muri ‘Ligues’ zitandukanye yabaye mu mpera z’icyumweru twasoje, mu cyiciro cy’Abatarengeje imyaka 20, yasize hamenyekanye amakipe umunani azakina ¼ muri buri mukino.

Imikino ya 1/8 yabaye mu mpera z’icyumweru gishize, tariki ya 16 n’iya 17 Gicurasi 2026, mu turere dutandukanye tw’u Rwanda harimo aka Musanze, Muhanga, Rwamagana n’i Kigali.

Yahuje amashuri yitwaye neza muri ‘ligues’ esheshatu zigize Ishyirahamwe Nyarwanda ry’Imikino n’Umuco mu Mashuri (FRSS) kugira ngo hamenyekane amakipe azakina ¼ n’imikino ya nyuma muri buri mukino.

Muri Handball y’abahungu, amakipe yakomeje ni ADEGI (Gatsibo), GSF Kibogora (Nyamasheke), GS Tabagwe (Nyagatare), Mutenderi TSS (Ngoma), Etefop (Musanze), GS Gihundwe (Rusizi), ESKI (Ruhango) na GS Muyange (Ruhango).

Mu bakobwa hari E.SC. Nyamagabe (Nyamagabe), GS Gikongoro (Nyamagabe), ES Kiziguro (Gatsibo), Mutenderi TSS (Ngoma), GS Muyange (Ruhango), TTC Mururu (Rusizi), ISF Nyamasheke (Nyamasheke) na APAPEGI Cyuru (Gicumbi).

Muri Basketball y’abakina ari batanu, mu bahungu hakomeje LDK (Nyarugenge), ITS (Gasabo), ECOSE (Kamonyi), ESB (Kamonyi), GS APE Rugunga (Nyarugenge), ES Marie Reine (Muhanga), MIPC (Musanze) na ES Kirinda (Karongi).

Mu bakobwa ni LDK (Nyarugenge), Gashora G AC (Bugesera), Paysanat (Kirehe), Marie Reine Rwaza (Musanze), ESB (Kamonyi), Igihozo St Peter (Nyanza), GS Gahini (Kayonza) na ENDP Karubanda (Huye).

Muri Volleyball, amakipe y’abahungu ni GSOB (Huye), CXR (Nyanza), Nyanza TSS (Nyanza), UPN (Gatsibo), GS APE Rugunga (Nyarugenge), ETEFOP (Musanze), RHS (Kirehe) na Lycée St Jérôme Janja (Gakenke).

Mu bakobwa hari GS St Aloys (Rwamagana), LDK (Nyarugenge), GS Indangaburezi (Ruhango), RHS (Kirehe), ESB (Kamonyi), ETFOP (Musanze), Lycee De Nyanza (Nyanza) na GS Karushya (Gicumbi).

Mu mupira w’amaguru w’abahungu hari GS APE Rugunga (Nyarugenge), ECOSE (Kamonyi), CGFK (Kicukiro), Club Hotec (Gasabo), Akagera H School (Nyagatare), Runda TSS (Kamonyi), APEBU (Bugesera) na ESIR (Musanze).

Mu bakobwa hari PSBB (Huye), GS APE Rugunga (Nyarugenge), CFC (Rwamagana), GS Remera Rukoma (Kamonyi,) APAER (Gasabo), ETEFOP (Musanze), GS Cyinzovu (Kayonza) na GS Cyambwe (Kirehe).

Umunyamabanga Mukuru w’Ishyirahamwe Nyarwanda ry’Imikino mu Mashuri (FRSS), Rugasire Euzebius, yavuze ko “ikiba kigamijwe cyane ni ukugira ngo abana bagaragaze impano zabo.”

Yakomeje agira ati “Ni yo mpamvu tugerageza ngo iyi mikino ibe myinshi ishoboka, kugira ngo umwana agere ku rwego rw’igihugu amaze gukina imikino ihagije.”

Nk’uko gahunda y’imikino ibigaragaza, imikino yose ya ¼ izaba ku Cyumweru, tariki ya 24 Gicurasi 2026, uretse imikino ya Volleyball izakinwa tariki ya 27 Gicurasi 2026.

Gahunda y’imikino ya ¼ n’amakipe azahura:

Basketball 3x3

Abahungu: