00:00:00 IGIHE NETWORK KN KINYARWANDA EN ENGLISH FR FRANCAIS

Iga Świątek yegukanye French Open mu bagore

Yanditswe na Eric Tony Ukurikiyimfura
Kuya 9 June 2024 saa 07:09
Yasuwe :

Umunya-Pologne Iga Świątek yegukanye Irushanwa rya French Open mu bagore nyuma yo gutsinda Jasmine Paolini ku wa Gatandatu, tariki ya 8 Kamena, riba irushanwa rya gatanu rikomeye muri Tennis yegukanye mu mateka ye.

Intsinzi ya 6-2 6-1, yari iya 21 yikurikiranya kuri Świątek mu Bufaransa, yatumye aba umukinnyi wa kane uri mu bamaze igihe bigaragaza ku bibuga bya Roland Garros nyuma ya Chris Evert (29), Monica Seles (25) na Justine Henin (24).

Yabaye kandi umugore wa gatatu wegukanye French Open eshatu yikurikiranya nyuma ya Henin (2005-07) na Seles (1990-92).

Uyu Munya-Pologne w’imyaka 23, wegukanye French Open ya kane mu myaka itanu, yavuze ko "isobanuye byinshi."

Yakomeje agira ati "Ntewe ishema n’uko nitwaye kuko ibyo abantu bari banyitezeho byari byinshi. Nishimiye ko nabiharaniye kandi nkabigeraho."

Iga Świątek umaze gukina imikino ya nyuma itanu ikomeye adatsindwa, yatwaye US Open mu 2022 ndetse yabaye umugore wa mbere utwaye ’Grand Slam’ imwe inshuro eshatu zikurikiranya kuva bikozwe n’Umunyamerika Serena Williams hagati ya 2012 na 2014 i New York.

Ku rundi ruhande, Paolini ni umugore wa gatatu ukomoka mu Butaliyani wabashije kugera ku mukino wa nyuma wa French Open nyuma ya Francesca Schiavone na Sara Errani kuva mu 1968.

Mu bagabo, umukino wa nyuma uteganyijwe kuri iki Cyumweru, tariki ya 9 Kamena guhera saa Munani n’Igice aho uhuza Umudage Alexander Zverev n’Umunya-Espagne Carlos Alcaraz.

Iga Świątek yegukanye French Open ya 2024 mu bagore
Świątek amaze gutsinda imikino 21 yikurikiranya muri French Open
Byari ibyishimo kuri Iga Świątek wegukanye French Open ku nshuro ya gatatu yikurikiranya
Jasmine Paolini yababajwe no kubura igikombe akireba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .