00:00:00 IGIHE NETWORK KN KINYARWANDA EN ENGLISH FR FRANCAIS

Ibigo byegukanye Irushanwa ‘Amashuri Kagame Cup 2024’ muri U-20 byamenyekanye (Amafoto)

Yanditswe na Eric Tony Ukurikiyimfura
Kuya 10 June 2024 saa 07:55
Yasuwe :

Imikino ya nyuma isoza umwaka w’imikino mu mashuri “Kagame Cup” mu cyiciro cy’abatarengeje imyaka 20, yabereye i Muhanga tariki ya 8 n’iya 9 Kamena 2024, yasize hamenyekanye amwe mu makipe azahagararira u Rwanda mu irushanwa rihuza amashuri yo muri Afurika y’Iburasirazuba (FEASSSA).

Muri iyi mikino ya nyuma y’icyiciro cy’amashuri yisumbuye (abatarengeje imyaka 20) hakinwe Umupira w’Amaguru, Handball, Rugby na Netball.

Ku wa Gatandatu habaye imikino ya ½ mu gihe ku Cyumweru ari bwo habaye iya nyuma yasize hamenyekanye amakipe yatwaye ibikombe.

APE Rugunga yegukanye igikombe mu mupira w’amaguru w’abahungu, itsinze ES Gasiza igitego 1-0, mu gihe mu bakobwa, GS Remera Rukoma yatsinze CFC Rwamagana ibitego 4-0.

Muri Handball y’abahungu, igikombe cyatwawe na ADEGI y’i Gatsibo yatsinze ESSEKI ibitego 25-18 naho mu bakobwa gitwarwa na Kiziguro SS yatsinze ES Nyagisenyi ibitego 40-29.

Igikombe cya Netball ikinwa n’abakobwa, cyatwawe na GS Gahini nyuma yo gutsinda E.SC. Musanze 32-18.

Muri Rugby ikinwa n’abahungu, Gitisi TSS yatwaye igikombe itsinze Kayenzi TSS ibitego 28-7.

Imikino ya nyuma muri Volleyball na Basketball izakinwa mu mpera z’uku kwezi kuko hari amashuri cyangwa abakinnyi bari muri Memorial Rutsindira ndetse n’Ikipe y’Igihugu y’Abatarengeje imyaka 18 ya Basketball yitabiriye Zone V muri Uganda.

Perezida w’Ishyirahamwe ry’Imikino y’Amashuri mu Rwanda (FRSS), Karemangingo Luke, yibukije amakipe azakina FEASSSA kurushaho kwitegura hakiri kare.

Imikino y’uyu mwaka ihuza amashuri yo muri Afurika y’Iburasirazuba, izabera i Jinja muri Uganda muri Kanama.

Mu gusoza imikino y’Amashuri Kagame Cup U-20 ya 2023/24, amashyirahamwe ya FERWAFA, Rwanda Rugby Federation na FERWAHAND yageneye imipira Ishyirahamwe ry’Imikino mu mashuri, izashyirwa mu bigo by’amashuri.

Ishyirahamwe ry’Umupira w’Amaguru (FERWAFA) ryemeye imipira yo gukina ibihumbi 15.

ES Gasiza y'i Rulindo yatsindiwe ku mukino wa nyuma muri ruhago y'abahungu
Byari ibyishimo kuri APE Rugunga yatwaye igikombe cy'umupira w'amaguru mu bahungu
GS Remera Rukoma yegukanye igikombe cy'umupira w'amaguru mu bakobwa
CFC Rwamagana yatsindiwe ku mukino wa nyuma w'umupira w'amaguru mu bakobwa
Gitisi TSS ni yo yegukanye igikombe muri Rugby
ES Gahini yatwaye igikombe muri Netball ikinwa n'abakobwa
Perezida w’Ishyirahamwe ry’Imikino y’Amashuri mu Rwanda (FRSS), Karemangingo Luke
Umuyobozi w'Inama y'Inteko Rusange muri FRSS, Padiri Gatete Innocent
Komiseri ushinzwe Amakipe y'Igihugu muri FERWAFA, Ngendahayo Vedaste
Umuyobozi wa Tekinike wa FERWAFA, Gérard Buscher (ibumoso), yitabiriye iki gikorwa
Abayobozi ba za federasiyo n'abakiniye amakipe y'igihugu bari mu bitabiriye isozwa ry'iyi mikino
FERWAFA yemereye Ishyirahamwe ry'Imikino mu Mashuri imipira yo gukina ibihumbi 15

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .