00:00:00 IGIHE NETWORK KN KINYARWANDA EN ENGLISH FR FRANCAIS

Huye Half Marathon yagarutse

Yanditswe na Prudence Kwizera
Kuya 7 Ukwakira 2022 saa 03:12
Yasuwe :

Mu Karere ka Huye hagiye kongera kubera isiganwa ryo ku maguru rihuza abantu b’ingeri zinyuranye barimo ababigize umwuga n’ababikora mu buryo bwo kwishimisha rizwi nka “Huye Half Marathon”.

Isiganwa nk’iri ritegurwa na Cercle Sportif de Butare (CSB) ku bufatanye n’Ubuyobozi bw’Akarere ka Huye, Ishyirahamwe Nyarwanda ry’Imikino Ngororamubiri (RAF), Minisiteri ya Siporo, Komite Olempike n’abandi bafatanyabikorwa batandukanye ryaherukaga kubera muri aka gace muri Mutarama 2020.

Biteganyijwe ko Huye Half Marathon izabera mu Karere ka Huye ku wa 9 Ukwakira 2022 mu mihanda y’Umujyi wa Huye.

Abazitabira bazasiganwa mu byiciro bitatu bitandukanye birimo icya mbere kizaba kigizwe n’ababigize umwuga bazasiganwa ku ntera y’ibilometero 21 na metero 97; icyiciro cya kabiri cyo kizaba kigizwe n’abatarabigize umwuga aho bazasiganwa kuri kilometero 10 mu gihe icya gatatu kizitabirwa n’abakuze n’abakiri bato aho bazasiganwa ahareshya n’ibilometero bitanu.

Muri iri siganwa hanateguwe imikino ibanziriza iri rushanwa irimo Basketball, Volleyball no Koga [Swimming] mu bahungu n’abakobwa, izahuza ibigo bitandukanye by’amashuri byo mu Mujyi wa Huye bisanzwe bizwiho ubuhanga muri iyi mikino.

Iyi mikino yo yatangiye kuri uyu wa Gatanu izakomeza no ku wa Gatandatu, ku wa 8 Ukwakira 2022, iri kubera ku bibuga bya Groupe Scolaire Officiale de Butare no kuri IPRC Huye.

Huye Half Marathon iheruka muri Mutarama 2020 yitabiriwe n'abayobozi barimo Minisitiri wa Siporo, Munyangaju Aurore Mimosa

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .