Uyu mukino wa nyuma wabaye kuri iki Cyumweru, tariki 30 Mata 2023, utangira Abangavu b’u Rwanda batsinda amanota menshi nk’ibisanzwe.

U Burundi bwatangiye budashaka gushyirwamo ikinyuranyo kinini ariko uko iminota yagendaga ikinyuranyo cyagendaga kigaragaza. Igice cya Mbere cyarangiye u Rwanda ruyoboye umukino n’ibitego 22-6.

Igice cya Kabiri n’ubundi abangavu b’u Rwanda bakomeje kuyobora umukino ari na ko barushaga u Burundi bigaragara.

Muri iki gice u Rwanda rwongeyeho ibindi bitego 16 mu gihe u Burundi bwongeyeho birindwi, bitari bihagije ngo butsinde umukino. Umukino warangiye Abangavu b’u Rwanda begukanye igikombe nyuma yo gutsinda u Burundi ibitego 38-13.

Muri rusange u Rwanda rwegukanye iri rushanwa rudatsinzwe kuko imikino itanu rwakinnye yose rwayitsinze kandi ku kinyuranyo cy’amanota menshi cyane.

U Rwanda rwegukanye irushanwa rutsinda ikinyuranyo cy'ibitego byinshi

Ikipe y’Igihugu ya Handball y’Abakobwa batarengeje Imyaka 17 yatsinze iy’u Burundi ibitego 38-13 ku mukino wa nyuma

Abangavu b'u Rwanda bagaragazaga akanyamuneza nyuma y'umukino

Byari agahinda ku bakinnyi b'u Burundi batsindiwe ku mukino wa nyuma

Nyuma y'umukino, Abangavu b'u Rwanda birukankiye gushima umutoza wabo Bagirishya Anaclet

Byari ibyishimo ku bangavu b'u Rwanda nyuma yo guhesha ishema igihugu

Abangavu b’u Rwanda begukanye Irushanwa ry’Akarere ka Gatanu muri Handball

Ibikombe u Rwanda rwegukanye mu irushanwa ryaberaga muri Tanzania

Aba bakobwa bizihiwe kugera n'aho basoma igikombe

Amafoto: FERWAHAND