Ni irushanwa ryabaye mu mpera z’icyumweru kuva ku wa Gatandatu, tariki ya 23 ndetse no ku Cyumweru, tariki ya 24 Kanama 2024, ribera ku kibuga Mpuzamahanga cya Golf kiri i Kigali.

Iri rushanwa ryakinwe n’abakinnyi barenga 150 baturutse mu makipe yo mu bihugu byo mu Karere ka Afurika Iburasirazuba, Nigeria ndetse n’ahandi hatandukanye.

Ku munsi wa nyuma abakinnyi bose batangiye gukina guhera mu gitondo saa Kumi n’Ebyiri kugeza saa Saba, mbere y’uko hamenyekana abakinnyi bitwaye neza kurusha abandi.

Abakinnyi bahembwe bwa mbere ni Murekatete Alphonsine wateye ishoti rirerire kurenza abandi mu bagore, Rutamu Innocent abikora mu bakuze ndetse na Rukundo Paul Charles abikora mu bagabo.

Murekatete kandi ni we mukinnyi witwaye neza kuri uyu munsi muri rusange mu bagore nk’uko Keith Bunyenyezi yabikoze mu bagabo.

Ababashije gutera umupira ukegera umwobo kurusha abandi ni Philippa Page, Kamanzi Louis na Rwanyonga Mathias.

Abandi bakinnyi bahembewe mu birori byabereye ku nyubako nshya yubatswe muri Kigali Golf Resort and Villas harimo Pamela Rwigema, Sumana Jagani, Uwanyirigira Gloriose, Han Jing, Akanigi Mellisa, Lynda Mugeni, Biru Rai, Rutamu Innocent, Kayinamura Gedeon.

Hari kandi James Muneza, Gasasira Janvier, Mugisha Richard, Juma Ngari, Francis Njoga, Byamungu Emmanuel, Larsen Antoine, Sezibera Richard, Antaine de Keven, Musinguzi Nelson na Wilson Mugambi.

Nubwo umukino wakinwe kuri uyu munsi wari Golf ariko buri wese yabonye amahirwe yo kwidagadura ku yindi mikino nka Billiards, Football de Table ndetse na ruhago.

Crystal Ventures Ltd cyangwa CVL ni ikigo benshi bahuriza ku buryo gifite ishoramari rihambaye mu nzego zifitiye Igihugu akamaro. Kimaze imyaka 29 kuko cyabonye Izuba mu 1995.

Gikora ishoramari mu bijyanye n’ubuhinzi, ubworozi, ubwubatsi, amabuye y’agaciro n’ibindi bikorwa bifatiye runini ubukungu bw’u Rwanda.

Kibarurwa nk’ikigo cya kabiri nyuma ya Guverinoma y’u Rwanda mu gutanga akazi kuri benshi kuko gifite abakozi barenga ibihumbi 22 barimo abahoraho n’aba nyakabyizi.

Kigali Golf Resort and Villas ikomeje kwakira imikino ikomeye

Umukino wabereye ku kibuga mpuzamahanga cya Golf

Irushanwa ryagenze neza ku baryitabiriye

Abakinnyi bakinaga mu matsinda y'abakinnyi bane

Irushanwa ryakinwe iminsi ibiri

Amakipe yaturutse hanze yahembwe

Njoga Francis ashyikirizwa igihembo cye

Njoga Francis ari mu bahawe ibihembo

Benshi bafashe amafoto y'urwibutso

Umukino wa Golf uri gukomeza gukundwa cyane

Crystal Ventures izakomeza gutegura iri rushanwa

Byari ibirori by'akataraboneka

Keith Bunyenyezi ni we wegukanye igihembo nyamukuru mu bagabo

Abateguye irushanwa rikagenda neza bashimiwe

Abitwaye neza bagenewe ibihembo

Irushanwa rya Crystal Ventures ryabaye ku nshuro ya gatatu

Umukino wa Golf utuma abawukina bahuza urugwiro

Umukino wa Billards watumye benshi banezerwa biratinda

Umukino wa Basketball watumye benshi bidagadura

Hateganyijwe umwanya wo gufatiraho amafoto y'urwibutso

Siporo yo kunyonga igare iri mu zateganyijwe

Mu birori hatanzwe itike yo kuzinjira mu gitaramo cya Masamba giteganyijwe tariki ya 31 Kanama 2024

Abakinnyi ba Golf bari bafite akanyamuneza

Intore Masamba uri gutegura igitaramo yari muri uyu muhango

Abanyamuziki basusurukije abitabiriye umuhango

Crystal Ventures yashimwe umuhate yagize mu kongera kwiyubaka k'u Rwanda

Umuyobozi Mukuru wa Rwanda Ultimate Golf Course Ltd, Josué Dushimimana, yashimye abateguye igikorwa

Abakinnyi bose bitabiriye umuhango wo gutanga ibihembo

Andrew Kulayige ni we wayoboye umuhango wo gutanga ibihmbo

Murekatete Alphonsine ni we wateye umupira muremure mu bagore kurusha abandi

Lynda Mugeni ari mu bitwaye neza

Umuhango wo gutanga ibihembo wari uvuze byinshi ku kwibohora k'u Rwanda

Abakinnyi bitwaye neza bagenewe ibihembo

Amafoto: Ishimwe Alain Kenny