00:00:00 IGIHE NETWORK KN KINYARWANDA EN ENGLISH FR FRANCAIS

FEASSA 2022: Amakipe ahagarariye u Rwanda yatangiye nabi

Yanditswe na Iradukunda Olivier
Kuya 17 September 2022 saa 10:20
Yasuwe :

Amarushanwa y’imikino mu mashuri mu karere ka Afurika y’Iburasirazuba (FEASSSA), yatangiye u Rwanda rwitwara nabi kuko imikino myinshi amakipe yo mu Rwanda ku munsi wayo wa mbere rwarayitsinzwe.

Aya marushanwa ari kubera Arusha muri Tanzania ku nshuro yayo ya 20 muri uyu mwaka wa 2022. Muri aya marushanwa u Rwanda rwitwaje amakipe ya Football, Handball, Volleyball, Basketball na Table Tennis.

Amakipe yo mu Rwanda yakinnye imikino yayo ya mbere haba mu bakobwa ndetse no mu bahungu ariko umusaruro uba muke.

Ku munsi wa mbere ikipe yahagarariye u Rwanda muri Football mu bakobwa ya IP Mukarange yatsinzwe ibitego 7-0 na Kawempe Muslim yo muri Uganda. Muri Basketball Juhudi S.S yo muri Tanzania itsinda Lycée de Kigali amanota 47-40 mu bahungu.

Kuri uwo munsi kandi Orkeeswa SS yo muri Tanzania nayo itsinda Lycée de Kigali 46-43 muri Basketball y’abakobwa. Muri Volleyball y’abakobwa, ESSA Nyarugunga yatsinzwe na Stahizza yo muri Uganda amaseti 2-3.

Icyiciro amakipe yo mu Rwanda yitwayemo neza, ni muri Handball gusa kuko yatsinze imikino yayo yose.

Mu cyiciro cy’abahungu ikipe ya mbere ya ES Kigoma yatsinze irusha cyane Maweni SS yo muri Tanzania, amanota 31-19. Indi kipe ni ADEGI Gituza nayo yatsinze Hospital Hill yo muri Kenya amanota 31-28.

Indi kipe yitwaye neza ni Kiziguro SS yatsinze Kibuli SS yo muri Uganda, amanota 19-17.

Amakipe ahagarariye u Rwanda arakomeza imikino yarwo kuri uyu wa Gatandatu tariki 17 Nzeri, mu byiciro bya Handball, Basketball na Football.

Muri Handball, ES Kigoma mu bahungu irakirwa na Komito yo muri Kenya, ADEGI Gituza na yo yakire Kilombero SS yo muri Tanzania. Muri Basketball y’abakobwa, Lycée de Kigali irakina na Nabisunsa yo muri Uganda.

Muri Basketball y’abahungu, Lycée de Kigali irakina na Dagoretti High yo muri Kenya. U Rwanda mu mupira w’amaguru, ES Gasiza irakira St. Andrews yo muri Uganda.

ADEGI Gituza yatsinze Hospital Hill mu mukino wa mbere muri Handball y'abahungu
Ikipe ya Kiziguro SS muri Handball yatsinze Kibuli SS yo muri Uganda
Uko amakipe ahagarariye u Rwanda azakina imikino ikurikira
Uko amakipe yakinnye n'ayo mu Rwanda yitwaye mu mikino ibanza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .