00:00:00 IGIHE NETWORK KN KINYARWANDA EN ENGLISH FR FRANCAIS

Abasaga ibihumbi 10 bitabiriye siporo yihariye y’abagore mu Karere ka Ruhango

Yanditswe na Eric Tony Ukurikiyimfura
Kuya 2 June 2024 saa 06:16
Yasuwe :

Ku Cyumweru, tariki ya 2 Kamena 2024, abasaga ibibumbi 10 bitabiriye siporo yihariye y’abagore mu Karere ka Ruhango, yahujwe n’ubukangurambaga bwa #AbagoreTwagiye bwo gushishikariza abagore bo mu gihugu hose kwitabira siporo.

Abayitabiriye bahuriye imbere y’Ishami rya Banki ya Kigali, berekeza ahitwa kuri 40, basoreza ku kibuga cy’Akarere ka Ruhango kiri hafi n’ibiro byako.

Iyi siporo yitabiriwe n’ubuyobozi bw’Akarere n’izindi nzego zitandukanye ndetse nyuma yayo habaye ibiganiro bitandukanye.

Umuyobozi w’Akarere ka Ruhango, Habarurema Valens, yashimiye "ubuyobozi bukuru bw’Igihugu cyacu by’Umwihariko Perezida wa Repubulika y’U Rwanda kuba bwarashyizeho umurongo uhamye mu gukora siporo."

Yashimiye kandi uruhare abagore bagira mu iterambere ry’Igihugu by’umwihariko mu nzego z’ubuyobozi haba abikorera ndetse n’abakozi ba Leta.

Meya Habarurema yasabye abagore ko bakomeza kugira uruhare muri gahunda yo kurwanya igwingira, gusukura Umujyi wa Ruhango hakorwa ubusitani ndetse n’isuku hose mu Karere "ku buryo uzajya yinjira mu Mujyi wa Ruhango azajya abona itandukaniro."

Yasabye abagore gushyiraho kompanyi y’abagore yihariye mu Karere aho basabwe kugira uruhare rwo gukora udushya no gukomeza kwihesha agaciro. Yasoje asaba buri wese kwitegura amatora no kuzuza ibisabwa byose kugira ngo ugejeje igihe cyo gutora igihe kizagere nta kibazo gihari.

Iyi siporo yabereye mu Karere ka Ruhango, yabereye kandi no mu bindi bice byose by’Igihugu aho yahujwe na Car Free Day.

Ubuyobozi bw'Akarere ka Ruhango bwifatanyije n'abaturage by'umwihariko abagore muri iyi siporo yihariye
Abasaga ibihumbi 10 ni bo bitabiriye iyi siporo mu Karere ka Ruhango
Umuyobozi w’Akarere ka Ruhango, Habarurema Valens, yashimiye abagore kubera uruhare bagira mu iterambere ry'Igihugu
Abana bitabiriye siporo bahawe amata muri gahunda yo kurwanya igwingira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .