00:00:00 IGIHE NETWORK KN KINYARWANDA EN ENGLISH FR FRANCAIS

Abanyamakuru b’imikino kuri Radio 10 bakoze ikiganiro bambaye bidasanzwe (Amafoto)

Yanditswe na Bukuru JC
Kuya 25 Ukuboza 2022 saa 07:31
Yasuwe :

Abanyamakuru b’imikino kuri Radio 10 mu kiganiro “Urukiko” bavugishije abatari bake nyuma yo gukora ikiganiro cyo ku wa 23 Ukuboza 2022 bambaye bidasanzwe.

Abarimo Biganiro Antha, Hitimana Claude, Mugenzi Faustin ‘Faustinho’ n’abandi banyamakuru bo kuri iyi radio muri siporo, bakoreye iki kiganiro kuri ‘piscine’ ku wa Gatanu, bambaye imyambaro itamenyerewe muri uyu mwuga.

Muri iki kiganiro cyakozwe mu rwego rwo gushimira abafatanyabikorwa iyi radio yagize mu Gikombe cy’Isi cya 2022, Antha Biganiro yari afite ibyuma byifashishwa mu bukanishi bw’ibinyabiziga.

Hitimana Claude yari yambaye nk’umukinnyi usiganwa ku magare, Uwizeyimana Sylvestre ‘Wasili’ yambaye nk’umwubatsi mu gihe Mugenzi Faustin ‘Faustinho’ yari yambaye nk’umushumba afite n’inkoni.

Keza Cédric umenyerewe kuri TV10 yari yambaye nk’umumotari naho Mukantwari Jolie bakorana yambaye nk’umukozi wo mu gikoni.

Umwe mu bakozi ba Radio 10 waganiriye na IGIHE, yavuze ko ibi byakozwe mu rwego rwo kwisanisha n’abatandukanye bakurikira ibiganiro byabo umunsi ku munsi.

Muri iki kiganiro kandi habayeho n’umuhango wo gushimira Umunyamakuru Annet Mugabo wahagarariye iki kigo muri Qatar ubwo habaga Igikombe cy’Isi cya 2022.

Buri munyamakuru wa siporo yahawe ‘certificat’ yo kumushimira uruhare yagize mu kugira ngo irushanwa rigere ku bakurikirana iyi radio.

Uruganda rwa SKOL rwenga ibinyobwa bisembuye n’ibidasembuye, rwashimiwe nk’umufatanyabikorwa w’imena wakoranye n’iki kigo mu Gikombe cy’Isi cyasojwe ku wa 18 Ukuboza nyuma yo kwegukanwa na Argentine.

Hitimana Claude, Mucyo Antha na Mugenzi Faustin mu kiganiro 'Urukiko' cyo ku wa Gatanu, tariki ya 23 Ukuboza 2022
Wasili yari yambaye nk'umwubatsi
Mugenzi Faustin yaje yambaye nk'umushumba
Mucyo Antha yari yambaye nk'umukanishi
Ni uku Hitimana Claude yari yambaye mu kiganiro cyo ku wa 23 Ukuboza 2022
Mukantwari Jolie yaje yambaye nk'umukozi wo mu gikoni
Mugenzi 'Faustinho' ahabwa 'certificat' kubera uburyo yogeje Igikombe cy'Isi cya 2022
Keza Cedric yari yambaye nk'umumotari
Mugabo Annet yambitswe umudali mu rwego rwo kumushimira uburyo yakurikiranye Igikombe cy'Isi cya 2022 ari muri Qatar
Mugabe Jean Paul na we ari mu bashimiwe
Radio/TV10 yashimiye abakozi bayo uburyo bakozemo Igikombe cy'Isi cya 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .