Rwanda Cycling Cup: Uwizeyimana Bonaventure yegukanye agace kiswe Northern Challenge

Yanditswe na IGIHE
Kuya 6 Nyakanga 2019 saa 06:14
Yasuwe :
0 0

Uwizeyimana Bonaventure wa Benediction Excel Energy, yegukanye agace ka Rwanda Cycling Cup yabaga ku nshuro ya gatanu, aho hakinwe Northern Challenge yabereye i Musanze.

Mu bakuru aka gace kitabiriwe n’abakinnyi 51 barimo 17 bo muri Repubulika Iharanira Demokarasi ya Congo (RDC). Mu cyiciro cy’ingimbi kitabiriwe n’abakinnyi 38.

Northern Challenge yakinwe abakinnyi bazenguruka mu mujyi wa Musanze ku ntera y’ibilometero 6.7, aho bahagurukiye imbere y’Isoko bakomeza kuri National Police Academy- WASAC - Saint Vincent- Stade Ubworoherane-Sonrise Highschool- Ku Ibereshi basoreza ku isoko.

Mu cyiciro cy’ingimbi bazengurutse iyi ntera inshuro 15 naho abakobwa bayizenguruke inshuro 12.

Abagabo bo bahagurutse i Musanze bakatira mu Gakenke basubira i Musanze babona kuzenguruka muri iyi ntera inshuro 12, aho bakoze intera y’ibilometero 143.4 byose hamwe.

Mu bakuru mu bagabo, Uwizeyimana Bonaventure yabaye akoresheje amasaha 3h32’55’’, Manizabayo Eric aza ku mwanya wa kabiri naho Uwiduhaye Mike aza ku mwanya wa gatatu.

Mu ngimbi zakoze ibilometero 100.5, Nzeyimana Muhirwa wa Benediction Excel Energy yaje ku mwanya wa mbere akoresheje 2h27’45’’, akurikirwa na Muhoza Eric wa Les Amis Sportif naho Hakizimana Felicien aza ku mwanya wa gatatu.

Mu bagore bakoze urugendo rwa kilometero 80.4, Nzayisenga Valentine wa Benediction yabaye uwa mbere, akurikirwa na Nyirarukundo Claudette naho Mukashema Josiane aba uwa gatatu. Aba batatu ba mbere bose ni aba Benediction Excel Energy.

Uwizeyimana Bonaventure yegukanye Northern Challenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza