00:00:00 IGIHE NETWORK KN KINYARWANDA EN ENGLISH FR FRANCAIS

Munyaneza Didier watwaye Tour du Sénégal yasinye muri ProTouch

Yanditswe na Mihigo Saddam
Kuya 27 May 2022 saa 03:15
Yasuwe :

Umunyarwanda Munyaneza Didier bakunda kwita Mbappé wakiniraga ikipe ya Benediction Ignite mu mukino w’amagare, yasinye amasezerano y’umwaka umwe mu ikipe ya ProTouch yo muri Afurika y’Epfo.

Munyaneza w’imyaka 24 y’amavuko, yakiniye Benediction kuva mu 2016 kuri ubu akaba yayibagamo iri ku rwego rw’amakipe manyamuryango ya UCI.

Aganira na IGIHE, yavuze ko yasinye amasezerano y’umwaka umwe ushobora kuzajya wongerwa bitewe n’uko yitwaye.

Yagize ati “Nasinye umwaka umwe. Ariko iyo witwaye neza ugatanga umusaruro bakongera undi mwaka bityo ukaba wakomezanya n’ikipe.”

Mu mwuga we, Munyaneza yageze kuri byinshi birimo ibihembo yagiye atwara ari kumwe n’ikipe y’igihugu.

Mu 2019, yatwaye Tour du Sénégal. Muri uwo mwaka yabaye uwa munani muri La Tropicale Amisa Bongo anaba uwa kane muri Grand Prix Chantal Biya.

Mu 2020 kandi nibwo Munyaneza yabaye uwa munani muri Grand Prix Chantal Biya.
Mu 2018, Munyaneza yatwaye shampiyona y’u Rwanda, aba uwa karindwi mu mikino y’igikombe cya Afurika anaba uwa cyenda muri shampiyona ya Afurika.

Munyaneza agiye muri ProTouch asangayo Mugisha Moise na Mugisha Samuel ariko asimbura Habimana Jean Eric wamaze gutandukana n’iyi kipe ikina Tour du Rwanda.

Munyaneza Didier ari mu bakinnyi bahamagawe bari kwitegura kuzahagararira u Rwanda muri Tour du Cameroun ya 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .