00:00:00 IGIHE NETWORK KN KINYARWANDA EN ENGLISH FR FRANCAIS

Mugisha Samuel yaburiwe irengero muri Leta Zunze Ubumwe za Amerika

Yanditswe na Byiringiro Osée Elvis
Kuya 5 September 2022 saa 12:27
Yasuwe :

Mugisha Samuel ukinira Pro Touch yo muri Afurika y’Epfo mu gusiganwa ku magare, biravugwa ko yatorokeye muri Leta Zunze Ubumwe za Amerika aho yari yitabiriye isiganwa.

Ikipe ye yatangaje ko uyu musore w’imyaka 24 yageze muri Leta Zunze Ubumwe za Amerika ku wa 31 Kanama 2022. Yagombaga guhita ajya muri hotel yateguriwe n’ikipe ariko ntiyabikora.

Isiganwa yagombaga kwitabira ryabaye tariki 4 Nzeri 2022 ariko ikipe ye yaramutegereje amaso ahera mu kirere, ihitamo kumenyesha ubuyobozi bwa Amerika ko uyu musore yabuze.

Amakuru avuga ko yaburiwe irengero afite ibikoresho by’ikipe bifite agaciro k’ibihumbi 20 by’amadorali, asaga miliyoni 20 Frw.

Mugisha yatangiye gukinira Pro Touch Racing Team mu Ugushyingo 2021. Yigeze gutwara Tour du Rwanda yabaye mu 2018.

Abaye yatorotse koko, yaba ari umukinnyi wa kane w’umukino wo gusiganwa ku magare mu Rwanda, utorokeye muri Leta Zunze Ubumwe za Amerika nyuma ya Ndayisenga Valens, Hadi Janvier na Uwizeye Bonaventure.

Mugisha Samuel ni umwe mu bakinnyi b'abahanga mu mukino wo gusiganwa ku magare u Rwanda rufite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .