Agace ka mbere katangiranye n’abakinnyi 33 bakoze urugendo rw’ibilometero 90 ruva i Batsinda mu Mujyi wa Kigali rwerekeza kuri Base mu Karere ka Rulindo.

Abakinnyi bagendeye hamwe ariko bageze mu bilomtero 10 bya nyuma, abakinnyi icyenda barimo Byusa Pacifique wa Les amis sportifs, Twagirayezu Didier wa Kayonza Cycling Team na Ishimwe Brian wa Ndabaga Women Cycling Team bakomeza guhangana.

Umurongo wo gusorezaho wari ahatambika ku buryo byasabye imbaraga zidasanzwe Ishimwe Brian kugira ngo yambare umwambaro w’umuhondo w’uyoboye isiganwa.

Iri rushanwa ryashyizweho n’Ishyirahamwe ry’Umukino w’Amagare mu Rwanda (FERWACY) hagamijwe kongera amarushanwa y’abato no kuzamura impano z’abakiri bato mu mukino w’amagare.

Agace ka Kabiri kareshya n’Ibilometero 51,8 kazaba ku wa Gatandatu, kazahera Nyirangarama, Base, Gakenke, Buranga, Kivuruga, Musanze, INES Ruhengeri, gasoreze ku isoko ryo mu Kinigi.

Kuri uwo munsi kandi hateganyijwe isiganwa rya Women’s Criterium 2025, rikinwa n’abakobwa bato, abatarengeje imyaka 23 ndetse n’abakuze. Aba bakoresha isaha imwe mu kuzenguruka imihanda yo mu Kinigi.

Abakinnyi bakinnye agace ka mbere mu rugendo rwerekeza kuri Base

Rwanda Junior Tour 2025 yatangiye gukinwa

Isiganwa rya Rwanda Junior Tour 2025 rizakinwa mu duce dutatu

Abakinnyi bageze ku murongo bahanganira ahatambika

Ishimwe Brian yegukanye Agace ka Mbere ka Rwanda Junior Tour 2025

Ishimwe Brian ni we wambaye umwambaro w'umuhondo wa Rwanda Junior Tour 2025

Ishimwe Brian yambaye umwambaro w'umuhondo