Ku wa Kane, tariki ya 4 Mata 2024, ni bwo hakinwaga agace ka kane k’isiganwa rya Itzulia Basque Country, igikundi cyarimo abakinnyi b’ibihangange cyakoze impanuka habura ibilometero 35 ngo bagere aho gasorezwa.

Iyi mpanuka yatewe n’umukinnyi umwe wayobye agata umuhanda akinjira mu ishyamba bituma abandi bagera kuri batandatu bayoba ndetse bakanakomereka cyane ko aho baguye hari umukingo n’amabuye.

Abo bose bahise bahabwa ubutabazi bw’ibanze ariko nk’uko bigaragara ku mashusho yasakaye ku mbuga nkoranyambaga, Vingegaard ukinira Visma–Lease a Bike ntiyabashaga no kugenda kuko hitabajwe ingobyi yo kumutwaraho.

Ikipe ya Visma yahise isohora itangazo ko umukinnyi wayo yababaye bikomeye kuko yavunitse igufa ryo mu rutugu ndetse na zimwe mu mbavu ze zikaba vunitse cyane. Kugeza ubu aracyitabwaho n’abaganga.

Ntabwo haratangazwa igihe uyu mukinnyi w’imyaka 27 wegukanye Tour de France ebyiri ziheruka azamara hanze.

Abandi bakinnyi bakomeye bahise bava mu isiganwa kubera iyi mpanuka ni Primož Roglič ukinira Bora–Hansgrohe na Remco Evenepoel wa Soudal–Quick-Step.

Aka gace kegukanywe n’Umunya-Afurika y’Epfo, Louis Meintjes, gusa amanota yako ntiyashyirwa ku rutonde rusange rw’isiganwa.

🇪🇸 #Itzulia2024

Update: Jonas is conscious and will be examined in the hospital now.
.
.#thursdayvibes#Itzulia2024 #FELIP pic.twitter.com/w9ztEscNtu

— Sheikh Sardar (@Sheikh_Sardar_) April 4, 2024

Quel enfer .. énorme chute sur #Itzulia2024 Remco, Vingegaard, Roglic... #LesRp pic.twitter.com/BNrB91osYX

— Marc (@marcrp) April 4, 2024

Itzulia Basque Country yabereyemo impanuka ikomeye yakomereje abakinnyi benshi beza

Primož Roglič ukinira Bora–Hansgrohe yageze aho isiganwa ryasorejwe yakomeretse cyane

Umunya-Denmark Jonas Vingegaard yavunitse urutugu n'imbavu