Uru rutonde rukorwa n’ikinyamakuru Forbes buri mwaka bareba mu mikino itandunye nka basketball, football, tenis, Boxe, golf ndetse n’indi itandukanye, aba bakinnyi baba barinjije amafaranga menshi kurusha abandi.

Uru rutonde rwashyizwe ahagaragara kuwa kabiri tariki ya 19 Kamena 2012, rugaragaza imitungo aba bakinnyi binjije mu mwaka wa 2011.

Turabagezaho abakinnyi icumi ba mbere binjije amafaranga menshi kurusha abandi.

Dore uko urutonde rumeze:

1. Floyd Mayweather Jr: Uyu ni umukinnyi uzwi cyane kw’izina rya "Money". Akaba ari icyamamare cyane mu mukino wa boxe, yinjije miliyoni 85 z’Amadorari y’Amerika, akaba yarayakuye mu mikino ibiri gusa yarwanye. Ubu uyu Floyd ari muri gereza I Los Amgeles aho yakatiwe igifungu cy’amezi atatu azira guhohotera umuntu.

2.Manny Pacquiao: Nawe ni mukinnyi wa boxe ,yinjije miliyoni 62 z’Amadorari y’Amerika , aya mafaranga yayakuye mu gukina uyu mukino wa boxe ndetse no mu kwamamaza yagiye akora.

3.Tiger Woods : Ni umukinnyi wa golf, ni nawe nimero ya mbere ku Isi kuva mu mwaka 2001, yi njije miliyoni 59,4 z’Amadorari y’Amerika.

4. LeBron James: Ni umukinnyi wa basketball akina muri NBA
Yinjije miliyoni 53 z’Amadorari y’Amerika.

5.Roger Federer: Uyu ni umukinnyi wa tenis akomoka mu gihugu cy’u Busuwisi, yinjije miliyoni 52,7 z’Amadorari y’Amerika.

6. Kobe Brynt : Uyu we ni umukinnyi ukomeye cyane mu mukino wa basketball muri NBA, yinjije miliyoni 52,3 z’Amadorari y’Amerika.

7. Phil Mickelson: Uyu mugabo w’Umunyamerika ni igihangange mu mukino wa golf, muri uyu mwaka yinjije miliyoni 47,8 z’Amadorari y’Amerika.

8. David Beckham: Uyu mugabo akomoka mu gihugu cy’u Bwongereza niwe mukinnyi w’umupira w’amagaru uza ku isonga winjije menshi mu mwaka wa 2011 na miliyoni 46 z’Amadorari y’Amerika.

9. Cristiano Ronaldo: Uyu musore ukomoka mu gihugu cya Portugal afite miliyoni 42,5 z’Amadorari y’Amerika.

10. Peyton Manning: Uyu ni Umunyamerika ukina umupira w’amaguru yinjije miliyoni 42,4 z’Amadorari y’Amerika.

Twaba bwira ko kuri uru rutonde rwashyizwe ahagaragara n’ikinyamakuru Forbes nta mu kinnyi n’umwe ukinira mu gihugu cy’u Bufaransa warugaragaye mo.