00:00:00 IGIHE NETWORK KN KINYARWANDA EN ENGLISH FR FRANCAIS

Menya ‘Smartphones’ zigezweho wagura mu 2022

Yanditswe na Iradukunda Jean de Dieu
Kuya 27 January 2022 saa 01:27
Yasuwe :

Umubare w’abakoresha ‘Smartphones’ ukomeje kwiyongera ku Isi, ahanini bitewe n’uburyo ibigo bikora izi telefone bigenda bihanga udushya mu ikoranabuhanga buri mwaka ku bwoko bw’iziba zigiye gusohoka.

Imibare igaragaza ko miliyari 6.64, ni ukuvuga 83.96% by’abatuye Isi bakoresha ‘Smartphones’. Mu mezi atatu ya mbere y’umwaka wa 2020 hagurishijwe ‘Smartphones’ zisaga miriyari 1.38 hirya no hino mu Isi. Muri zo, 20.8% by’izagurishijwe ni izo mu bwoko bwa ‘iPhone’.

Ubu ni bumwe mu bwoko bwa ‘Smartphones’ nziza wagura muri uyu mwaka wa 2022 ubuzima bukarushaho koroha bitewe n’ikoranabuhanga riteye imbere zikoresha.

10. iPhone 12 Pro

Ni telefone ikorwa n’Uruganda “Apple”. Iyi telefone ikoranye ikoranabuhanga rya 5G, ikagira ububiko buri hagati ya 128-256 GB. Ifite kandi RAM ya 6 GB. Ikoresha iOS ya 14.1 kugeza kuri 15.2, ibika umuriro ku kigero cya 2815 mAh. Ubugari bw’ikirahure cyayo ni pouces 6.1.

Abenshi bayikundira uko ifotora neza kuko ifite camera ya 12 Megapixels. Iyi kandi irimo ikoranabuhanga rya GPS. Ishobora kugwa mu mazi mu gihe kiri hagati y’iminota itandatu na mirongo itatu, ntigire icyo iba. Iboneka mu mabara atandukanye arimo umuringa, zahabu n’ubururu. Igiciro cyayo ku isoko ni 794.97$. Yasohotse tariki ya 13 Ukwakira 2020.

9. ONEPLUS 9

Yasohotse tariki ya 23 Werurwe 2021, ikoranye ikoranabuhanga rya 5G, ifite ububiko buri hagati ya 128-256 GB ikoresha uburyo bushya bwa Android ya 11 kugeza kuri 12. Si telefone iremereye kuko ipima 192 g, ikabika umuriro ku kigero cya 4500 mAh, ku bakunda amashusho iyi telefone igira ifoto nziza bitewe na camera y’imbere ifite 16 MP ‘Mega Pixels’, iy’inyuna ikagira 50MP n’amashusho ya HDR (High Dynamic Range).

Ubugari bw’ikirahure cyayo ni 6.55 pouces, igaragara mu ibara ry’umweru, ubururu bw’ikirere n’umukara. Ku isoko ihagaze ku giciro cya 290 $.

8. Samsung Galaxy Note 20 Ultra 5G

Iri mu bwoko bwa ‘Android’ yasohotse tariki ya 21 Kanama 2020. Ni telefone itagoye gutwara kuko ipima 208 g. Ikoresha ikoranabuhanga rya internet rya 5G, ikagira ububiko buri hagati ya 128-512 GB na RAM ya 12. Ikoresha uburyo bwa ‘Android 10 na 11’ ikagira camera y’inyuma ifite 108 MP n’amashusho ya ‘HDR’.

Iyi telefone ibika umuriro ku kigero cya 4500 mAh, ikagira ikoranabuhanga rya GPS. Iri mu mabara atandukanye arimo iroza, umukara n’umweru. Ku isoko ihagaze ku giciro cya 900 $.

7. Xiaomi MI 11 Ultra

Iri mu bwoko bwa ‘Android’ ikaba ikoresha ikoranabuhanga rya 5G. Ikoresha ‘Android’ ya 11. Ifite ububiko buri hagati ya 256/512GB. Hari izifite RAM ya 8 n’iya 12.

Iyi telefone igira ifoto nziza kuko ifite 50 MP za camera y’inyuma na 20 MP kuri camera ya ‘selfie’ n’amashusho yo ku rwego rwa HDR. Yasohotse tariki ya 29 Werurwe 2021, ifite ubugari bwa ‘Screen’ ya 6.81 pouces, ikaboneka mu mabara atandukanye arimo umweru n’umukara. Ku isoko ihagaze 899 $.

6. Google Pixel 6

Iyi yasohotse tariki ya 28 Ukwakira 2021, ikoresha uburyo bwa ‘Android’ ya 12. Ikagira ikoranabuhanga rya 5G. Ifite ububiko buri hagati ya 128/256 GB na RAM ya 8 GB. Iyi telefone ibika umuriro ku rugero rwa 4614 mAh, igapima 207 g.

Camera isanzwe y’iyi telefone ifite 5 iy’imbere ikagira 8 MP. Iyi inafite ikoranabuhanga rya GPS ikagira ubugari bw’ikirahura bwa 6.4 pouces. Ku isoko ihagaze 599 $.

5. Oneplus Nord 2 5G

Ikoresha Android 11, yasohotse tariki ya 28 Nyakanga 2021; iyi inakoresha ikoranabuhanga rya 5G. Ifite ububiko buri hagati ya 128/256 GB na RAM iri hagati 6/12 GB. Ibika umuriro ku kigero cya 4500 mAh. Ifite ikirahure gifite ubugari bwa 6.43 pouces.

Camera yayo isanzwe y’inyuma ifite 50 MP naho iy’imbere ifata ‘selfie’ ikagira 32 MP. Iboneka mu mabara atandukanye arimo ibara ry’ivu, ubururu bwerurutse n’icyatsi kibisi. Ku isoko iragura 408.45 $.

4. Samsung Galaxy S21 Ultra 5G

Iyi ikoresha ikoranabuhanga rya 5G n’irya ‘Android 11’. Ifite ububiko buri hagati ya 128/512 GB na RAM iri hagati 8/12 GB. Ibika umuriro ku kigero cya 5000 mAh.

Iyi telefone ifite ubugari bw’ikirahure bwa 6.8 pouces, ikagira Camera y’inyuma ifite 108 MP naho iy’imbere ikagira 10 MP. Iboneka mu ibara ry’umukara n’ubururu bwijimye. Yasohotse tariki ya 29 Mutarama 2021. Ku isoko iragura 788 $.

3. iPhone SE

Yasohotse tariki ya 24 Mata 2020, ikoresha uburyo bwa iOS bwa 13 kugeza 15.2. Ifite ububiko buri hagati ya 64/256 GB na RAM ya 3. Ibika umuriro ku kigero cya 1821 mAh, ikaba ipima 148 g. Camera yayo y’inyuma ifite 12 MP, iy’imbere ikagira 7 MP.

Ifite ubugari bwa ‘screen’ ya 4.7 inches, iboneka mu mabara atandukanye arimo umukara, umweru n’umutuku. Ku isoko iri ku giciro cya 121 $.

2. Oneplus 9 Pro

Iyi ipima 197 g, ikoresha ubwoko bwa Android 11 n’ikoranabuhanga rya 5G. Ifite ububiko buri hagati ya 128/256 GB na RAM iri hagati ya 8/12 GB. Ibika umuriro ku rugero rwa 4500 mAh.

Ifite Camera y’inyuma ya 48 MP naho iy’imbere ikagira 16 MP n’ubugari bw’ikirahure bwa 6.7 pouces. Iboneka mu mabara atandukanye arimo icyatsi n’umukara. Ku isoko iri ku giciro cya 609 $.

1. iPhone13

Iyi yahotse tariki ya 24 Nzeri 2021, ikoresha ikoranabuhanga rya 5G. Ifite ububiko buri hagati ya 128/512 GB na RAM 4 GB. Ibika umuriro ku rugero rwa 3240mAh.

Camera yayo y’inyuma ifite 12 MP kimwe n’iy’imbere. Ubugari bw’ikirahure cyayo ni 6.1 pouces. Iboneka mu mabara atandukanye arimo ubururu, iroza n’umutuku. Igiciro cyayo ku isoko ni 799.99 $.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .