Nta gihindutse iyi porogaramau yaza yiyongera ku zindi z’andi masosiyete zirimo izizwi cyane nka ChatGPT ya OpenAI, Gemini ya Google na Copilot ya Microsoft.

Iri koranabuhanga rya Meta ryari risanzwe rikoreshwa ku mbuga nkoranyambaga zayo nka Facebook, Instagram, Messenger, na WhatsApp, bikaba bisobanuye ko gukora porogaramu yaryo yihariye, iyi sosiyete ifite intego yo kugera ku bantu benshi badasanzwe bakoresha izi mbuga nkoranyambaga za Meta.

Nk’uko bimeze ku zindi porogaramu, Meta AI ishobora gusubiza ibibazo binyuranye, gukora amafoto no kuyatunganya n’ibindi. Mu mavugururwa aherutse gukorwa, yongerewe ubushobozi bwo kwibuka kugira ngo irusheho gutanga ibisubizo byiza.

Hashize igihe Meta ishyira imbaraga mu guhangana n’ibigo bikomeye mu rwego rw’ikoranabuhanga ry’ubwenge bukorano, Umuyobozi wayo Mukuru Mark Zuckerberg, akaba aherutse no gutangaza ko uyu mwaka bazarushora miliyari 65 z’Amadolari ya Amerika.

Sosiyete ya Meta irimbanyije umushinga wo gukora porogaramu y’ikoranabuhanga ryayo ry’ubwenge bukorano, Meta AI