Gemini 2.0 Flash ifite ubushobozi bwo kwifashisha izindi porogramu kugira ngo ibashe gusubiza uyikoresha, nko kwifashisha ‘Google Search’ mu gushaka amakuru kuri murandasi, gukoresha ubundi buryo busanzwe bwo gusesengura ‘codes’ zifashishwa mu kubaka porogaramu za mudsobwa n’ibindi.

Ibi bivuze ko ushobora kubaza Gemini 2.0 Flash ikibazo runaka cyangwa kuyaka ubufasha, nayo ikifashisha izindi porogaramu zindi mu kuzivomaho amakuru kugira ngo uhabwe igisubizo kiboneye kandi gihura n’ibyo ukeneye.

Ku wa Gatatu tariki 11 Ukuboza 2024 nibwo iyi porogaramu ivuguruye yashyizwe ahagaragara.

Uburyo bwo gukora amashusho n’amajwi buzabanza kugeragezwa n’abatoranyijwe mbere y’uko butangira gukoreshwa muri rusange muri Mutarama umwaka utaha, nk’uko Google yabitangaje.

Iki kigo cyatangaje ko Gemini 2.0 Flash yihuta mu mikorere ugereranyije na Gemini 1.5 Flash.