Urubuga nkoranyambaga Facebook rurashaka abakozi 1,159 bashya kugira ngo ikomeze gahunda yayo yo kwiyagura.

Televiziyo CNN yatangaje ko Facebook ikeneye abakozi 126 bo mu bikorwa byo kwamamaza, 52 bo gukora mu ikoranabuhanga ry’imikino y’amashusho itera uyikina kumva ameze nk’uwinjiye mu yindi Si (Virtual Reality) .

Mark Zuckerberg washinze Facebook

Facebook kandi ikeneye abatekinisiye n’ab’injeniyeri mu bijyanye n’utudege twitwara” drones” , ndetse n’abashinzwe kwinjiza abandi mu kazi 71 kugira ngo ihangane n’urujya n’uruza rw’abarajya kuyisaba akazi.

Mu kiganiro n’ibiro Ntaramakuru by’Abongereza, Reuters, ushinzwe ibikorwa muri Facebook, Sheryl Sandberg, yavuze ko bashaka abandi bakoze kugira ngo bahangane n’ibikorwa byo kurushaho kwaguka n’abakoresha urubuga rwa facebook barushaho kwiyongera.

Facebook ikomeje kurusha izindi mbuga nkoranyambaga abakozi benshi, muri Nzeli 2014 ubushakashatsi bwerekanye ko ifite abakozi 8,348, urundi rubuga, Linkedin narwo rufite abakozi barenga 5000 n’ubwo umutungo warwo ari 1/5 cy’uwa Facebook gusa.

Facebook yahoze yitwa The Facebook ni urubuga nkoranyambaga rwa internet rufite icyicaro muri Leta ZUnze Ubumwe za Amerika mu mujyi wa Menlo Park. Rwashinzwe mu 2004 na Mark Zuckerberg hamwe n’inshuti ze biganaga muri kaminuza ya Harvard .