00:00:00 IGIHE NETWORK KN KINYARWANDA EN ENGLISH FR FRANCAIS

Microsoft mu nzira zo kugura ikigo gikomeye gikora ’video Games’

Yanditswe na Iradukunda Jean de Dieu
Kuya 19 January 2022 saa 05:12
Yasuwe :

Sosiyete y’Ikoranabuhanga Microsoft iri mu nzira zo kugura iya “Activision Blizzard” isanzwe ikora imikino ikinirwa kuri internet no kuri za televiziyo izwi nka ‘‘Video Games’’.

Ibiganiro hagati y’izi sosiyete zombi birarimbanyije ndetse byitezwe ko umwaka wa 2023 uzarangira, Microsoft yamaze kugura Activision Blizzard mu masezerano azatwara asaga miliyari 68,7$.

BBC yanditse ko Microsoft yifuza kugura “Activision Blizzard” mu rwego rwo gukomeza kumenyekanisha ibikorwa byayo.

Umuyobozi Mukuru wa Microsoft, Satya Nadella, yagize ati “Turashaka gushora imari mu bikorwa nk’ibi biri ku rwego rwo hejuru muri iki kinyejana aho abantu bakina bakanarema uburyo bushya bwo gucunga umutekano w’iyi mikino.”

Sosiyete ya “Activision Blizzard” isanzwe ifite inzu zitunganya Video Games mu bice bitandukanye by’Isi aho ifite abakozi bagera 10.000.

Inafite kandi abakinnyi ba buri kwezi bahoraho bagera kuri miliyoni 400 hirya no hino ku Isi mu bihugu 190.

Mu gihe “Activision Blizzard” izaba igiye mu biganza bya Microsoft, izaba sosiyete ya kabiri iguzwe n’uru ruganda rutunganya za mudasobwa. Mu 2021 Microsoft yari yaguze sosiyete yitwa Bethesda kuri Miliyari 7,5$.

Ku Isi habarurwa sosiyete zikomeye mu gutunganya Video Games zirimo Sony yo mu Buyapani, Tencent yo mu Bushinwa, Nintendo yo mu Buyapani na Electronic Arts yo muri Amerika.

Activision Blizzard yakoze imikino yagiye ikundwa n’abatari bake ku Isi, irimo “Call of Duty”, “World Warclaft” na “Candy love Crush”.

Sosiyete y’Ikoranabuhanga Microsoft iri mu nzira zo kugura iya “Activision Blizzard” isanzwe ikora imikino ikinirwa kuri internet no kuri za televiziyo izwi nka ‘‘Video Games’’.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .