Iki cyemezo cyaje gitandukanye na politiki yari isanzwe iriho y’iyi sosiyete itemeraga ikoreshwa ry’uburyo bw’ikoranabuhanga bwayo buzwi nka Llama mu bikorwa bya gisirikare, intambara n’inganda zikora intwaro kirimbuzi.

Perezida wa Meta ushinzwe ibikorwa mpuzamahanga, Nick Clegg, yavuze ko iri koranabuhanga rizafasha Amerika gucunga umutekano mu nzego zitandukanye.

Yagize ati “Rishobora gufasha mu koroshya no gutegura igenamigambi, gukurikirana inkunga ziterwa ibikorwa by’iterabwoba no gukomeza umutekano w’ikoranabuhanga.”

Umuvugizi wa Meta kandi yavuze ko n’ibindi bihugu by’inshuti za Amerika mu by’ikoranabuhanga nka Canada, Australia, Nouvelle Zelande n’u Bwongereza, bizemerezwa gukoresha iri koranabuhanga.

Ikoranabuhanga rya Llama ni ryo Meta yemereye igisirikare cya Amerika