00:00:00 IGIHE NETWORK KN KINYARWANDA EN ENGLISH FR FRANCAIS

Elon Musk yashyize yemera kugura Twitter

Yanditswe na Uwabeza Hussein
Kuya 5 Ukwakira 2022 saa 10:19
Yasuwe :

Umuherwe Elon Musk yahinduye ibitekerezo yemera kugura Twitter, nyuma y’igihe rugeretse hagati y’impande zombi ndetse hanitabajwe inkiko.

Mu ibaruwa yandikiye Twitter, Musk yemeye kugura iki kigo ku giciro yemeye mu mezi menshi ashize, ariko akaza gutangaza ko yivanye mu ihererekanya.

Ni icyemezo atangaje mbere y’ibyumweru bike ngo impande zombi zihurire mu rukiko, aho Twitter yatanze ikirego irusaba kumuhatira gusoza igikorwa cyo kugura uru rubuga nkoranyambaga, nk’uko babyemeranyije.

Muri iyo baruwa, Musk yavuze ko ko ashaka gukomeza agasoza iri hererekanya, nyuma yo kwakira amafaranga azifashishwa n’ihagarikwa ry’ikirego kiri mu rukiko.

Umuvugizi wa Twitter yemeje ko bakiriye ubwo butumwa bwa Musk, ndetse ko "intego ni ugusoza ihererekanya ku kiguzi cya $54.20 ku mugabane umwe", ikiguzi Musk yemeye muri Mata.

Icyo gihe byemejwe ko Musk azatanga miliyari $44, maze avuga ko mu kubikora, ashaka guhanagura kuri uru rubuga nkoranyambaga konti za baringa, rugahinduka urubuga rushyigikira ukwishyira ukizana mu kuvuga ibyo abantu batekereza.

Icyakora, nyuma y’ibyumweru bike yaje kuvuga ko abaye ahagaritse iri hererekanya, kuko atabwijwe ukuri ku mubare wa konti za baringa ziyibonekaho, zishobora kuba ari nyinshi kurusha uko yabikekaga.

Musk ni we muherwe wa mbere ku isi, aho umutungo we ubarirwa muri miliyari zisaga $220.

Mu gihe yari kwikura muri iri hererekanya, yashoboraga gucibwa miliyari $1.

Elon Musk yisubiyeho, yemera kugura Twitter

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .