00:00:00 IGIHE NETWORK KN KINYARWANDA EN ENGLISH FR FRANCAIS

iPhone 14 zitumizwa mu Bushinwa zigiye kuba iyanga ku isoko

Yanditswe na Igizeneza Jean Désiré
Kuya 7 Ugushyingo 2022 saa 08:56
Yasuwe :

Uruganda rukora ibikoresho by’ikoranabuhanga rwa Apple, ishami ryo mu Bushinwa, rwatangaje ko abatumije telefoni zo mu bwoko bwa ’iPhone 14 Pro na iPhone Pro Max’ bagomba gutegereza igihe kirekire kuko ibi bicuruzwa bizabageraho bitinze ku mpamvu z’ingamba zo kurwanya Covid-19 zafashwe muri iki gihugu.

Nyuma y’uko Apple imuritse izi telefoni nshya, abacuruzi batandukanye bahise bazitumiza ku bwinshi, ariko akarere uruganda ruherereyemo kakaba karashyizwe muri Guma mu rugo, mu gihe cy’iminsi irindwi uhereye tariki ya 2 Ugushyingo 2022.

Itangazo uru ruganda rwashyize hanze rivuga ko kubera gukorera imirimo mu bihe bitoroshye bya Covid-19, bashyize imbere ubuzima bw’abakozi cyane mu kugeza ibicuruzwa ku babikeneye.

Itangazo rikomeza rivuga ko "Nubwo dukomeje kwakira abatumiza iPhone 14 Pro na iPhone 14 Pro Max, iyoherezwa ry’izi telefoni riri gukorwa gake cyane. Hazabaho igihe kindi cyo gutegereza ku bazitumije."

Ni itangazo risa n’iritengushye abashoramari batandukanye batumije izi telefoni bizeraga ko u Bushinwa buzoroshya ingamba zo guhangana na Covid-19 ubundi bakabona ibyo batumije.

Kuri iki Cyumweru u Bushinwa bwagize abafite ubwandu bwa Covid-19 bagera kuri 5,643, ibitaherukaga kuva mu mezi atandatu ashize. Agace ka Zhengzhou uruganda ruherereyemo, kagaragayemo abagera ku 3,683 barimo 20 bahitanywe n’iyi ndwara.

BBC yanditse ko muri aba bose basanzwemo ubu bwandu, banabonetse no mu ruganda, ibyatumye uru ruganda rufungwa, abakozi bakava mu mirimo.

Kugeza ubu uruganda rwa Apple mu Bushinwa ni rwo rukora telefoni nyinshi zo mu bwoko bwa iPhone kuko uru ruganda rukora 70% by’izikorerwa mu Isi yose.

iPhone 14 Pro na iPhone Pro Max zitumizwa mu Bushinwa zizatinda kubera Guma mu rugo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .